Администрацијата на Трамп најави масовни апсења на илегални имигранти во САД

Администрацијата на Доналд Трамп, кој ќе ја преземе функцијата претседател на Соединетите Американски Држави (САД) во понеделник, на 20 јануари, почнувајќи од вторник ќе изврши масовни апсења на илегални имигранти низ целата земја, изјави Том Хоман, кој ќе биде задолжен за границите, пренесе Франс прес.


„Ќе има акции низ целата земја. Чикаго е само едно место меѓу другите“, рече Хоман, поранешен директор на агенцијата одговорна за гранична контрола и имиграција, одговарајќи на пишувањата на американските медиуми.


За време на кампањата, Трамп најави дека ќе депортира милиони мигранти без документи, што ќе биде најголемата операција за протерување илегални имигранти во историјата на САД.


„Агенцијата прво ќе се фокусира на најлошото, на заканите за јавната безбедност, но никој не е исклучен ако е во нередовна ситуација, има проблем“, рече Хоман.




Медиумските извештаи велат дека акциите треба да започнат во вторник, 22-ри јануари во Чикаго, ќе траат „цела недела“ и ќе вклучуваат 100 до 200 агенти на агенцијата.


Чикаго, предводен од демократите, е еден од американските градови кои се прогласија за „засолниште“ за мигрантите.