Актерот Стивен Сигал доби руско државјанство
„Да се прими во државјанство на Руската Федерација Сигал Стивен Фредерик, роден на 10 април 1952 година во Соединетите Американски Држави“, се вели во указот, објавен на сајтот на Кремљ.
Кој е ѕвездата?
Според зборовите на портпаролот на рускиот претседател Дмитриј Песков, Сигал поднесувал барања за државјанство „упорно и подолго време“.
„Тој е навистина познат по своите мошне топли чувства спрема нашата земја. Тој никогаш не го криел тоа, истовремено тој е мошне познат, знаете, актер“, истакна Песков, пренесува РИА „Новости“.
Сигал има престојувано повеќе пати во Русија, при што има изјавено дека му се допаѓа богатата руска култура. Тој исто така раскажа дека неговиот дедо по таткова линија е роден во еден од регионите на Русија, а потоа во првата половина на XX век се преселил во САД.