Кремљ не го интересираат предвремените парламентарни избори во Британија
Изјавата за предвремени парламенти избори во Велика Британија не предизвика посебен интерес во Кремљ, соопшти портпаролот на претседателот на РФ Дмитриј Песков.
Амбасадор на РФ: Односите со Велика Британија никогаш не биле толку лоши
„Не, нема некаков посебен интерес. Обично, да кажеме, следење на меѓународната ситуација. Тоа не е наша работа“, изјави Песков за новинарите, одговарајќи на прашањето дали постои интерес во Кремљ за предвремените парламентарни избори.
Претходно премиерот на Велика Британија Тереза Меј објави дека ќе се одржат предвремени парламентарни избори по кои ќе биде формирана нова влада. Таква одлука Меј донесе по објавувањето на резултатите од анкетите според кои владејачката конзервативна партија го зголемила рејтингот на популарноста, пренесува РИА „Новости“.