Samrøysta europaråd vil ekskludere Russland
Alle dei 46 medlemslanda i Europarådet stemde tysdag kveld for å stenge ute Russland, melder NTB.
Medlemmene i rådet har vore samla til eit to dagars langt ekstraordinært møtet i Strasbourg Frankrike for å ta stilling til om Russland skulle ekskluderast grunna krigen i Ukraina.
– Vi har aldri hatt ein slik type sak. Eg har aldri sett så mange skrive seg på talarlista eller at det har vore så tydleg retning og semje om bodskapet, seier visepresident i Europarådet, Ingjerd Schou (H) til NTB.
Vedtaket blir omtalt som historisk fordi eit medlemsland aldri har blitt kasta ut før. Gangen i slike eksklusjonssaker er at landet det gjeld først blir bede om å trekkje seg, om det ikkje går frivillig vil det bli kasta ut.
Likevel ser det ut til at Russland vil trekkje seg frivillig. Utanriksdepartementet i Russland sa tysdag ettermiddag at dei vil starte prosessen med å trekke seg ut av Europarådet.