Chelsea forbi City etter London-derby
1-0-sigeren mot Tottenham gjer at Chelsea klatrar opp til 4. plass på tabellen, eitt poeng framfor Manchester City på plassen bak.
– Dette var solid frå Chelsea. Dette laget kjem til å ta bra med poeng framover, seier fotballekspert i Viaplay, Nils Johan Semb.
Tapet er Spurs 16. denne sesongen. Bortefansen var tydeleg misfornøgde da spelarane kom bort til dei etter kampen.
– Tafatt, det var eit ganske blodfattig og kjønnslaust Tottenham, samanfatta fotballekspert i Viaplay Pål André Helland.
Scoringa kom like etter pause då Cole Palmer la inn frå venstre og trefte ein sprintande Enzo Fernández i boksen som stanga ballen inn.
Moisés Caicedo trudde han hadde dobla leiinga ikkje lenge etter, men etter ein lang VAR-sjekk kom dei fram til at det var offside.
VAR, var ikkje ferdig for kvelden. Pape Matar Sarr druste til med eit langskot, som Robert Sánchez burde redda. Men Craig Pawson måtte ut til skjermen, for midtbanespelaren felte Caicedo i forkant av målet og scoringa blei annullert.
Chelsea vant med det kampen. Tottenham ligg framleis på ein svært skuffande 14. plass på tabellen.
– Chelsea er mykje nærmare to og tre, null. Spurs kunne fått med seg noko her, men det hadde ikkje vore fortent, seier Semb.