Steinras slo ut på jordskjelvstasjonar
Det store steinraset ved Fjæra i Etne kommune vart registrert av Norsk National Seismisk Nettverk (NNSN) sine målestasjonar i Stavanger, Karmøy og Holsnøy (biletet). På det lengste er det kring 150 kilometer til stasjonen som er lengst vekke frå Fjæra.
– Hvis du samanliknar med eit jordskjelv, og bruker magnitude, så har vi estimert 0,8. Så litt under magnitude 1, seier Volke Oye, forskingsleiar hos Norsar.
Norsar overvakar jordskjelvaktiviteten i Noreg og har sjølve ansvar for og opererer nokre av verdas største jordskjelvstasjonar.
I jordskjelvskalaen er ikkje 0,8 veldig stort.
– Men førestill deg at energien er stein som fell ned på bakken, så er det ganske mykje som skal til. Det er kring 0,5 kg TNT som er sprengt i bakken, seier Oye.
Ingen personar vart skadde i raset, men både bilar og bygningar fekk skader. Det er framleis uvisst når vegen opnar att.