World News in Pashto

اسراییل اعلان کړی دی چې له امریکا سره په همغږۍ یې پر ایران بریدونه کړي دي.

راپورونه وایي چې اسراییل او امریکا په همغږۍ سره نن شنبه په ایران بریدونه کړي دي.

د کوټې ختیځ لور ته هنه وړک سیمه کې د ټولنې د پرمختګ پوهنتون یوه ناحکومتي اداره د هر عمر کسانو ته د هنرونو زدکړه او روزنه ورکوي. کمیونيټي ډویلپمنټ یونیورسټي نومې دغې ناحکومتي ادارې له ۲۰۰۶ز کال راهيسې شاوخوا ۷،۰۰۰ کسانو ته بېلا بېلې هنري زدکړې ورکړې دي. ویډیویي راپور.

د خیبر پښتونخوا د صنایعو او سوداګرۍ خونې مشر وايي، له افغانستان سره د تجارت درېدل په پاکستان کې سوداګرو ته هره میاشت ۴۵ مېلیونه امریکايي ډالره تاوان رسوي. سید جواد کاظمي د فبرورۍ پر ۲۶مه له مشال راډیو سره په مرکه کې وویل، دا لومړی ځل دی چې د دواړو خواوو ترمینځ لارې د دومره اوږدې مودې لپاره تړل شوې دي. نوموړي دا څرګندونې پر داسې مهال کړې دي چې په وروستیو کې پاکستان پر پکتیکا او ننګرهار بریدونه وکړل چې پکې لږ تر لږه ۱۸ تنه ووژل او پینځه ژوبل شول. داراز، د دې مرکې تر ثبتېدو څو ساعته وروسته د طالبانو... Читать дальше...

تر دې وړاندې په افغانستان کې د طالبانو د دفاع وزارت په یو بیان کې دعوه وکړه چې د فبرورۍ پر ۲۶مه ماخوستن شاوخوا اته بجې يې د پاکستان پوځ خلاف د "غچ" عمليات پيل کړل چې په نتيجه کې يې ۵۵ پاکستاني سرتېري وژلي دي.

د افغانستان لپاره د امریکا شارژدافیر ویلي " د طالبانو او پاکستان ترمنځ له رامنځته شوې جګړې خبر دي" او په خبره یې وضعیت له نژدې څاري. ډان براون چې دفتر یې په دوحه کې دی دا څرګندونې نن جمعه ( د کب ۸مه) پر خپله ایکس پاڼه کړي دي. نوموړي امریکایي اتباعو ته خبرداری ورکړی چې په دغسې وضعیت کې افغانستان ته له سفر کولو ډډه وکړي. د سفر د بندیز په اعلامیه کې راغلي چې افغانستان کې د کورنۍ نارامۍ، جرمونو، ترهګرۍ ، توقیف او اختطاف خطرونه شته دي. پر امریکا سربیره د قطر، ایران، سعودي عربستان ، ترکیې او یوشمېر نورو... Читать дальше...

د مهاجرت نړیوال سازمان (ای او اېم) وایي چې په ۲۰۲۵ز کال کې شاوخوا ۸،۰۰۰ کسان د کډوالۍ پر لارو مړه یا تري تم شوي دي.دغه سازمان د فبرورۍ پر ۲۶مه په خپاره کړي راپور کې وویل، د هغو هېوادونو شمېر ته په کتو، چې اتباع یې کډوال کېږي، افغانان د مړینې د نوملړ په سر کې دي. د ای او اېم شمېرې ښيي چې په ۲۰۲۵ز کال کې په اوسط ډول هره ورځ ۲۱ کډوال مړه شوي دي. سازمان پرمخ ليکي چې په ۲۰۲۵ز کال کې د کډوالۍ لپاره پر لارو ۷،۶۶۷ کسان مړه یا تري تم شوي دي. سازمان وايي، له هغو کسانو څخه یې ۳،۰۰۰ تنه د اسیايي هېوادونو اوسېدونکي او له هغو بیا ۱،۵۴۰ افغانان دي. Читать дальше...

د پاکستان پوځ وايي چې افغانستان کې یې هوايی بریدونو کې ۲۲ پوځي اهداف په نښه کړي دي.رویترز خبري اژانس د پاکستان د پوځ د ویاند احمد شریف چودري له قوله رپوټ ورکړی چې ویلي یې دي له تیرې شپې راهیسې په نښتو کې لږترلږه ۱۲ پاکستاني عسکر او ۲۷۴ طالب جنګیالي وژل شوي. خو په افغانستان کې د طالبانو حکومت وايي دتیرې شپې په ۴ ساعته جګړه کې ۵۵ پاکستاني عسکر وژل شوي دي او د ځینو جسدونه ددوی د ځواکونو لاس ته ورغلي دي او یوشمیر یې ژوندي هم نیول شوي دي. طالبان وايی په دغو نښتو کې ددوی ۱۳ جنګیالي وژل شوي او ۲۲ نور ټپیان شوي دي.

د طالبانو دفاع وزارت ادعا کړی چې نن غرمه یې د پاکستان ځینې پوځي اډې په هوايي حملو کې په نښه کړې دي. پاکستان ویلي دا ډرونونه یې شنډ کړي. له تېر ماښام دواړو یو بل ته د درنو مرګژوبلو اړولو ادعا کړې. پاکستان ادعا کړې چې ۱۳۳ طالب عسکر یې وژلي. طالبان ادعا لري چې ۵۵ پاکستاني پوځیان یې وژلي. نور جزییات د صفي الله ستانکزي په دغه رپوټ کې

د ډیورنډ کرښې په اوږدو کې د طالبانو او پاکستاني ځواکونو ترمنځ د سختو نښتو او د دواړو خواووله هوایي بریدونو وروسته، بېلابیلو افغان، سیمه ییزو او نړیوالو چارواکو د وضعیت په اړه اندیښنه څرګنده کړې او د ملکي وګړو د خوندیتوب او زغم غوښتنه یې کړې ده.