د فدرال ادارو د تعطیل د مخنیوي لپاره د استازو جرګې نوې هڅه
استازو جرګې دا لایحه پرون په ۲۴۵ موافقو او ۱۸۲ مخالفو رأیو تصویب کړه.
دا د اکټوبر له لومړۍ نېټې د مالي کال له پیل راهیسې پنځم ورته اقدام دی چې اخیستل کېږي.
اوسنۍ مؤقتي لایحه چې د مارچ تر ۲۳مې نېټې د حکومت لګښتونه برابروي اوس د سنا جرګې تصویب ته هم روانه ده.
دا لایحه له هغې څو ساعته وروسته تصویب شوه چې ولسمشر ډونالد ټرمپ وویل که په موافقه کې د کډوالو قانوني لایحه شامله نهوي خوښ به شي چې د حکومت تعطیل وګوري.
سنا جرګه هم په تمه ده چې نن پر دې لایحې بحث وکړي.
په امریکا کې ځیني وختونه حکومت د یو شمېر فدرال ادارو لګښتونه ځنډوي او کارکوونکي یې له معاش پرته کار ته راغوښتل کېږي.