یوسفزی: په کونړ کې۴۰ وسله وال طالبان وژل شوي
د ۲۰۱ سېلاب قل اردو د دوهمې لوا ویاند محمد هارون یوسفزي د شنبې په شپه ازادي راډيو ته وویل چې وسله والو طالبانو له تېرې ورځې د اسمار ولسوالۍ په شال شنګر او ډپ خوړ کې جګړه پیل کړې چې تراوسه پکې نېږدي ۴۰ وسله وال طالبان وژل شوي.
د افغان ځواکونو په توپچې او هوايې بریدونو کې ۳۹ وسله وال وژل شوي او له دې زیات ټپیان دي.
هغه وايي، په یاده جګړه کې یوازې د ملي اردو ۴ سرتېري سرسري ټپیان شوي دي چې روغتون ته رسول شوي او ډاکټرانو يې روغتیايي حالت ښه ښودلی دی.
یوسفزی وايي، اوس هم په سیمه کې جګړه روانه ده.
تر اوسه وسله والو طالبانو د یادې جګړې په اړه څه نه دي ویلي.
د یو بل خبر لمخې د یاد ولایت د ناړۍ ولسوالۍ اړوند په دوکلام سیمه کې د عملیاتو په ترڅ کې لږ تر لږه ۷ پاکستاني وسله وال وژل شوي او ۸ نور ټپیان دي.