یو پاکستانۍ محکمې د نوازشریف د خوشي کولو حکم ورکړ
د اسلام آباد عالي محکمې نن د سپتمبر ۱۹ دا پرېکړه اعلان کړه.
دا پرېکړه د نواز شریف د استېناف غوښتنې بهیر د یوې برخې په توګه شوې ده.
د محکمې د حکم له مخې به پخوانی صدراعظم نواز شریف د هغه لور مریم نواز او زوم یې محمد صفدر هر یو د پنځه سوه زره روپیو چې د څلور زره ډالرو معادل کېږي، تر ورکولو وروسته په ضمانت خوشي شي.
تر د ې وړاندي شریف او کورنۍ یې د استېناف غوښتنه کړې وه او غوښتې یې وه چې د استېناف مرحلې تر بشپړېدو پوري دې دوی له بنده خوشي شي، خو دا غوښتنه ځنډېدلې وه تر هغو چې نن د اسلام آباد عالي محکمې د دوی د خوشي کېدو حکم ورکړ.
نواز شریف په جولای میاشت کې د فساد په تور په لس کاله بند محکوم شوی وو، لور یې مریم نواز په اوه کلن او زوم یې په یو کلن بند محکوم شوی وو.
د شریف کورنۍ دا تورونه ردوي.