کام ایر هوايي شرکت بامیان ته پروازونه پیل کړل
د دې شرکت عملیاتي مرستیال کپتان عزیز پرون د فبرورۍ په ۲مه ازادي راډیو ته وویل:
"موږ بامیان ته لومړی پرواز وکړ، امتحاني پرواز و، زموږ بل پرواز به د غور مرکز چغچران ته وي.
د کام اير هوايي شرکت مسؤلان وايي چې په نږدې وخت کې به بدخشان او فاریاب ته هم پروازونه پیل کړي.
د بامیان ولایت کابل ته دوی ځمکنۍ لارې لري چې د امنیتي ستونزو له امله د تګ راتګ لپاره مناسبې نه ګڼل کېږي.