په جلال اباد کې یوې چاودنې ۳ ملکي وګړي ټپیان کړل
د ننګرهار د والي ویاند عطاالله خوګیاڼي ازادي راډیو ته وویل چې دا چاودنه تېر ماښام د بهسودو پله ته نېژدې د جلال اباد ښار په اتمه ناحیه کې وشوه:
"چاودېدونکي مواد په یو بایسکل کې ځای پرځای شوي وو چې چاودېدلي دي. په دې چاودنه کې درې تنه ټپیان شوي دي چې د یوه ټپي روغتیایي حالت نازک او د دوو نورو د ډاډ وړ دی."
د دې چاودنې مسوولیت تراوسه چا نه دی منلی.