هند کې نامعياري شرابو د څښلو په نتيجه کې د مړو شمېر ١٣٣ته ورسېد
راپورونه وايي، په شمال ختيځ ايالت اسام کې د دغو شرابو له کبله ٢٢٥ تنه نور په روغتونونو کې بستر شوي دي.
پهدغه ايالت کې د پوليسو يوه چارواکي مُکيش اګروال نن يکشنبه وويل، اکثر قربانيان د چارو د کروندې کارکوونکي دي.
چارواکي وايي، قربانيانو د تېرې پنجشنبې په ورځ په دوو جلا مواردو کې هغه شراب څښلي چې ميتيل الکول ورسره ګډ وو.
د دغو کيمياوي موادو ترکيب په مستقيم ډول د انسان د اعصابو مرکزي سيسټم ته زيان رسوي.
د اسام ايالت د روغتيا وزير هيمنا بيسوا شرما وويل، هغه کسان چې د غيرمعياري شرابو د توليد او خرڅلاو په قضيه کې لاس لري، مجازات کېږي.
د هندوستان په نېستمنه ټولنه کې د غير معياري شرابو څښل عام دي، ځکه زيات کسان د معياري شرابو د رانيولو وس نهلري.