"م.م": عبدالله خنجاني سره د زور زیاتي راپورونه د اندېښنې وړ دي
عبدالله خنجاني په کابل کې خصوصي ټلوېزیون "یک " ته کار کوي.
یوناما پر ټوېټر لیکلي دي:
"ټولې خواوې باید د مطبوعاتو د ازادۍ دفاع وکړي."
عبدالله خنجاني پرون د اپرېل په ۲۲مه، ادعا وکړه چې د افغانستان د جمهور رئیس ساتونکو وهلی او هغه ته یې سپکاوی کړی دی.
د افغانستان د ولسمشر ویاند هارون چخانسوري له خنجاني معذرت وغوښت او له هغه سره د شوي چلند په اړه یې د څېړنو ژمنه وکړه.
د بې سرحده خبریالانو نړیواله اداره وايي چې افغانستان د خبریالانو لپاره د نړۍ له ډېرو خطرناکو هېوادونو څخه دی.