تاریخ له سترګو ورکېږي
په ۲۰۰۷ز او اتم کې وسله والو طالبانو نه یوازې د سوات سلګونه ښوونځي او نورې سرکاري ودانۍ ړنګې کړې بلکې د سوات زرګونه کاله پخوانیو اثارو ته یې هم زیان ورساوه. که څه هم وسله وال طالبان له سواته ويستل شوي خو په سوات، تختبای، او يو شمېر نورو سيمو کې تاريخي اثار اوس هم له خطر سره مخامخ دي چې لاملونه يې د حکومت بې غوري، د تاريخ په اړه د ځايي خلکو لاعلمي، په ناقانونه توګه د جایدادونو نيول او د تاريخي اثارو غلا او سمګلنګ دي.