Новости за 30.08.2023

د امریکا د متحد ایالتونو د فلوریډا ایالت والي ران ډې سانټیس په سلګونو زرو خلکو ته خبرداری ورکړی دی چې د توپان تر رارسېدو مخکې دې خوندي سیمو ته ځانونه وباسي. د فلوریډا والي دا غوښتنه له شاوخوا یو نیم میلیون کسانو څخه کړې چې اکثر یې سمندر ته په نږدې سیمو کې اوسېږي. له اټکلونو سره سم دا توپان چې د دوشنبې په ورځ له کیوبا څخه تېر شو، نن به د فلوریډا سواحلو ته ورسېږي. د دې توپان سرعت په ساعت کې یوسل او پنځه شپېته کیلومتره دی او تر دې دمه یې شېبه په شېبه سرعت پسې زیاتېږي. پروسږ کال په فلوریډا کې... Читать дальше...

د امریکا د بهرنیو چارو د وزارت مرستیالې ویکټوریا نولانډ په پاکستان کې د ازادو، شفافو او په وخت انتخاباتو غوښتنه وکړه. د امریکا د بهرنیو چارو وزارت پرون په یوه بیان کې وویل چې اغلې نولانډ د پاکستان له بهرنیو چارو وزیر جلیل عباس جیلاني سره تر ټیلفوني مکالمې وروسته دا خبره وکړه. د پاکستان د انتخاباتو کمېسیون د اګست په لومړیو کې ویلي وو چې د نوې سرشمېرنې پر اساس به انتخاباتي حوزې د ډسمبر په څوارلسمه مشخصې شي.

د سویډن د سولې د نړیوالې جایزې کمېټې افغان ژورنالیستې او مدني فعالې نرګس مومند حسنزۍ ته د ۲۰۲۳ د سولې نړیواله جایزه ورکړه. اغلې حسنزۍ د دې جایزې د ترلاسه کولو په مهال وویل چې دا جایزه هغو نجونو ته ډالۍ کوي چې له تېرو دوو کلونو راهیسې له زده کړو منع شوي دي. د سویډن د سولې د نړیوالې جایزې کمېټه هر کال د نړۍ په بېلابېلو برخو کې پنځو تنو هغو فعالانو ته جایزه ورکوي چې د سولې، د بیان د ازادۍ، د ماشومانو او نجونو د زدکړې په برخو کې یې هلې ځلې کړي وي. څلور نورې جایزې د سویدڼ، فرانسې، بریتانیا او امریکا... Читать дальше...

د ملګرو ملتونو د ماشومانو د ملاتړ اداره یا یونېسف د سږ کال په لومړیو شپږو میاشتو کې څه باندې ۸۰ زره افغانانو ته د نغدو پیسو مرسته ورکړې ده. دې ادارې پرون سې شنبې پر خپله ایکس پاڼه ولیکل، د نغدو پیسو مرسته میندو او پلرونو ته امکان برابروي چې هر هغه څه چې ماشومان او کورنۍ یې ورته اړتیا لري، رانیسي. د ملګرو ملتونو د دې ادارې پر اساس، دوی د روان ۲۰۲۳ په لومړۍ نیمايي کې تر ۸۰ زره ۶۰۰ ډېرو اړو افغانانو ته د نغدو پیسو مرسته ورکړې څو د کور ضروري شیان پرې واخلي.

د روسي رسنیو د راپور له مخې، د طالبانو د حکومت د مخالفې جبهې مشر احمد مسعود د روسیې د دوما یا ولسي جرګې د روسیې عدالت ګوند له ريیس سرګي میرونوف سره کتلي دي.   د روسي سرچینو پر اساس، د ملي مقاومت جبهې مشر د روسیې د عدالت ګوند له مشر سره د افغانستان پر روان وضعیت خبرې کړي دي.   د روسیې د عدالت ګوند مشر او د دوما د فراکسیون ريیس میرونوف وویل چې روسیه د افغانستان د مځکنۍ بشپړتیا، خپلواکۍ او ملي حاکمیت ملاتړ کوي. د ملي مقاومت جبهې روسیې ته د احمد مسعود د سفر په اړه څه نه دي ویلي.

د ایران ولسمشر ابراهیم ريیسي پرون وویل چې له ګاونډیو هېوادونو سره د اوبو د حق موضوع تعقیبوي.   ريیسي چې یوې خبري غونډې ته غږېده، وویل د افغانستان لپاره د ده د ځانګړي استازي او سفیر حسن کاظمي قًمي خبرې او تعقیبي ناستې سبب شوې چې افغانستان ته د ایران پلاوی لاړ شي او د هلمند سیند د اوبو اندازه له نږدې وویني.   د ارزګان ولایت په دهراود کې د هلمند سیند په یوه سرچینه کې د ایران د تخنیکي پلاوي له لوري د اوبو د اندازې له کتلو وروسته کاظمي قمي ومنله چې سږ کال د اوبو اندازه د عادي او نورمال کلونو پرتله کمې دي. Читать дальше...

د طالبانو د حکومت د کډوالواو بېرته راستنېدونکو چارو وزارت وايي چې له ایران څخه په متوسط ډول د ورځې ۱۲ سوه افغان کډوال په خپله خوښه یا په زوره افغانستان ته راګرځي. دغه وزارت پرون سې شنبې په یوه خبرپاڼه کې وویل چې د روانې سنبلې له لومړۍ تر اوومې پورې څه باندې ۸۵۰۰ کډوال هرات او نیمروز ولایتونو ته راغلي دي. ایران وايي چې د طالبانو له واک ته رسېدو وروسته په تېرو دوو کلونو کې شاوخوا یو نیم میلیون افغان کډوال دغه هېواد ته په غیر قانوني ډول ورغلي دي.

د بریتانیا د هوايي ترافیک په سیستم کې د تخنیکي ستونزې له کبله دغه هېواد ته الوتنې له خنډ سره مخامخ شوي دي. د بریتانیا حکومت پرون سې شنبې وویل چې د هوايي شرکتونو په همکارۍ هڅه کوي چې هغه مسافر ژر بېرته خپل هېواد ته راولي چې په هوايي ترافیک سیستم کې د رامنځته شوي خنډ له کبله په بېلابېلو اروپايي هېوادونو کې بند پاتې شوي دي. اټکل کېږي چې په بریتانیا کې د الوتنو په سیستم کې رامنځته شوې ستونزه څو ورځې نور دوام وکړي. دا ستونزه په داسې حال کې پېښه شوې چې په اروپا کې د دوبي رخصتۍ په پای ته رسېدو دي... Читать дальше...

د برېتانیا چاپ ابزور ورځپاڼه لیکي، د برېتانیا سنټرال بدفورد شایر سیمه کې په لسګونه هغه افغانان دېره دي، چې د طالبانو له وېرې له افغانستانه وتلي دي. خو په همدغه سیمه کې په لسګونو اوکراینیانو پناه اخیستې ده. د ورځپاڼې په ټکو، شمیرې ښيي چې په دغه سیمه کې ۴۹ افغانان ژوند کوي. ورځپاڼه زیاتوي،دا شمېرې په داسې حال کې خپریږي چې یوې خیریه موسسې د برېتانیا حکومت ته خبرداری ورکړی دی، چې دوی افغانان کډوال بې سرنوشته پرېښي دي. وړاندې لولو، واک ته د طالبانو له ستنیدو وروسته لندن د افغانانو د تخلیې او بیا میشتیدو لپاره دوه طرحې پلې کړې. Читать дальше...

د کرکټ اسیايي جام سیالۍ نن چهارشنبې د پاکستان او نیپال په سیالۍ پیلېږي. په دې سیالیو کې د اسیا ۶ پیاوړې لوبډلې شاملې دي. پاکستان له هند او نیپال سره په الف او افغانستان له بنګله‌دېش او سریلانکا سره په ب ګروپ کې دی. افغانستان تر دې مخکې له بنګله‌دېش او سریلانکا سره څو ځلې مخامخ شوی او څو سیالۍ یې ورڅخه ګټلي دي. د افغانستان د کرکټ د ملي لوبډلې مرستیال روزونکی او د دغه ټیم پخوانی لوبغاړی رييس احمدزی وايي، د دې اسیايي کپ سیالۍ په داسې میدانونو کې کېږي چې د دې جام شپږ واړه ټیمونه ورسره بلد دي. Читать дальше...

د روغتیا نړیوال سازمان یا 'ډبلیو ایچ او' وايي، افغانانو ته د ضروري طبي خدماتو د وړاندې کولو لپاره روغتیايي سیستم له جدي خنډونو سره مخامخ دی. د روغتیا نړیوال سازمان دا خبره په داسې حال کې کوي چې د ملګرو ملتونو یوې بلې ادارې، د خوړو نړیوال پروګرام ویلي چې سږ کال یې ۲۷ ټنه طبي مرسته افغانستان ته رسولې ده. د ملګرو ملتونو د روغتیا نړیوال سازمان پرون سې شنبې پر خپله ایکس پاڼه لیکلي، له کافي بودیجې پرته به ۳ زره ښځې او نجونې د ښځو له عاجلو تخصصي خدماتو محرومې شي. د روغتیا نړیوال سازمان زیاتوي، په... Читать дальше...