تاجکستان کې د فوټبال لیګ سیالۍ ځنډول شوي
د تاجکستان د فوټبال فدراسیون نن اعلان وکړ چې له سبا ورځې څخه به دا لوبې د مې تر لسمې نېټې پورې وځنډول شي خو د نن ورځې لپاره پلان شوې لوبې به ترسره کېږي.
په داسې حال کې چې کرونا ویروس په ټوله نړۍ کې په چټکۍ سره د پرمختګ حال کې دی، په تاجکستان کې تراوسه د دې ناروغۍ د هېڅ پېښې راپور نه دی ورکړل شوی.
دې کار یو لړ شکونه هم پارولي چې ښايي دوشنبې به د دې وبا په اړه حقایق له خلکو پټوي.