ازبکستان کې د اوبو یو نوی جوړ شوی بند نړېدلی
چارواکي وايي، وروسته له هغې چې نن (جمعه) په سهار وختي د اوبو په دې بند کې درز رامنځ ته شو، یولس زره شپږ سوه کلي یې خالي کړي دي.
هغه ویډیويي تصویرونه چې ازادي راډیو تر لاسه کړي، په یو 29 متر لوړ د کانکریټ دیوال کې رامنځ ته شوی درز ښيي چې اوبه ترې نژدې کليو ته بهېري.
ازبک چارواکو ویلي، دې ماتېدنې د ټول بند ساختمان کمزوری کړی او دوی ویره لري چې ټول د اوبو بند به ونړېږي.
د ازبکستان ولسمشر شوکت میر ضیایف نن وروسته له هغې چې د سیلاب سره مخ کلیو خالي کول پیل شول، سیمې ته ورغلی دی.
د ازادي راډیو ازبکي څانګه وايي، د سرودبه د اوبو د بند کار د دولتي ساختماني ادارو له خوا په ۲۰۱۰ میلادي کال کې پیل شو او په ۲۰۱۷ میلادي کال کې بشپړ شو.