جوبایډن نن د ورځنیو استخباراتي معلوماتو لومړنی راپور ترلاسه کوي
دا خبره د بایډن دفتر په یوه خبرپاڼه کې کړې ده.
دغه راپورونه چې "د ولسمشر د ورځنیو معلوماتو " په نوم پېژندل کېږي، په نړیواله کچه ملي امنیت ته د ورپېښو لویو ګواښونو په اړه وي.
له دې وړاندې د نومبر په ۲۴مه د برحاله ولسمشر ډونالد ټرمپ ادارې ویلي و، بایډن ته د لېږد پړاو په رسمي ډول پیلېدای شي.
بایډن او ټیمیې پخوا د استخباراتي معلوماتو له ترلاسه کولو منعه شوي وو.
د منتخب ولسمشر دفتر ویلي، بایډن به له دې معلوماتو وروسته له سلاکارانو سره هم وګوري.
بایډن د جنورۍ په ۲۰مه نېټه لوړه کوي.