پاکستان د مسلم لیګ نواز ګوند غړی خواجه اصف د فساد په تور نیولی
پاکستان کې له اداري فساد سره د مبارزې او حساب ورکونې ادارې یوه خبرپاڼه کې ویلي چې اصف نن (د دسمبر ۳۰مه) په لاهور کې یوې توقیف خونې ته ولېږدول شو.
خواجه محمد اصف چې د نواز شریف د صدارت پر مهال د بهرنیو چارو وزیر و، پر ځان لګول شوي تورونه رد کړي دي.
د مسلم لیګ ن ګوند مرستیالې مریم نواز ویلي، اصف نیول شوی نه، بلکې تښتول شوی دی.
پاکستان کې سیاسي مخالفان له څه مودې راهیسې د مظاهرو او اعتراضونو له لارې د صدر اعظم عمران خان لېرې کول غواړي.
دوی وایي، خان نه دی توانیدلی چې د پاکستان اقتصادي وضعیت ښه کړي.
حکومت بیا دا تورونه رد کړي دي.