بامیان کې د باسکټبال سیالۍ'ریحانه ازادي' لوبډلې وګټلې
د افغانستان د ملي المپیک کمېټې د مطبوعاتو غړي مجیب قاریزاده نن یکشنبه (د مرغومي ۲۸مه) ازادي راډيو ته وویل چې دغه سیالۍ د روانې مرغومي میاشتې په ۲۴ پيل شوې وې چې ۶ لوبډلو په کې ګډون کړی و.
د ښاغلي قاریزاده په خبره نن سهار وروستۍ لوبه ترسره شوه چې د ښځو برخه کې ریحانه ازادي لوبډلې او د نارینه وو په برخه کې د اميد د تنکیو ځوانانو لوبډلې اتلوالي خپلې کړې.