د افغانستان ملي امنیت ریاست: د امرالله صالح پر دفتر د حملې طراح ونیول شو
د ملي امنیت د عمومي ریاست له لوري په خپره شوې خبرپاڼه کې راغلي دي نیول شوی کس عبدالله نومېږي چې د ابراهیم، فاروق او بلال په مستعارو نومونو هم پېژندل کېده.
د اعلامیې په وینا یاد کس د ولسمشر د لومړي مرستیال په دفتر کې حمله هم طرحه کړې وه.
د ولسمشر د لومړي مرستیال امرالله صالح په دفتر وسلهواله حمله د ۱۳۹۸ لمریز کال د زمري میاشتې په شپږمه شوې وه چې له املهيې نږدې ۲۰ کسه وژل شوي او له ۵۰ ډېر ټپیان شوي وو.
که څه هم هغه مهال د یادې ډلهییزې حملې مسؤلیت هېڅ وسلهوالې ډلې نهو منلی، خو ښاغلي صالحيې طالبان مسؤل بللي وو.
د ملي امنیت له لوري په خپره شوې خبرپاڼه کې تور پورې شوی چې نیول شوي کس په پېښور کې د حقاني شبکې په یو نظامي مرکز کې زدهکړې ترلاسه کړې دي.
د اعلامیې په وینا چې یاد کس په وروستیو کې پلان درلود چې په مدني فعالې سیلۍ غفار ځان وژونکې حمله وکړي چې د ملي امنیت د ځانګړو ځواکونو د عملیاتو په پایله کې ونیول شو.
په اعلامیه کې د دغه عملیاتو د دقیق ځای او وخت په اړه څه نهدي ویل شوي.
وسلهوالو طالبانو لا تر دې دمه په دې اړه څه نهدي ویلي.