له سره صلیب نړیوالې کمېټې سره د همکارۍ پر دوام د افغان حکومت ټینګار
د افغانستان د ملي امنیت شورا په یوه خبرپاڼه کې وویل چې د ولسمشر د ملي امنیت سلاکار حمدالله محب پرون د افغانستان لپاره د دې کمېټې له نوي مشر ایلوی فیلین او مل پلاوي سره په کتنه کې په افغانستان کې د سره صلیب نړیوالې کمېټې د بشردوستانه فعالیتونو ستاینه وکړه او ډاډ یې څرګند کړ چې له دې کمېټې سره به همکارۍ ته دوام ورکړي.
د سره صلیب نړیوالې کمېټې په وروستیو څه باندې څلورو لسیزو کې د بشري مرستو په برخه په تېره بیا په افغانستان کې د جګړې د ښکېلو خواوو لهخوا خپلو کورنیو ته د زندانیانو د لیکونو په رسولو کې مهم رول لوبولی دی.