د بلېنکن د خوښې ۳۶ سندرو ترمنځ د اریانا سعید سندره هم شامله ده
د امریکا د بهرنیو چارو د وزیر انتوني بلېنکن د خوښې د هغو سندرو په لېست کې چې ۲۰۲۱م کال کې تولید شوې، د افغان سندرغاړې اریانا سعید یوه سندره "نفسم" هم شامله ده.
د بلېنکن د خوښې د ۳۶ سندرو لېست پرون خپور شو.
د امریکا د بهرنیو چارو وزات د نوموړي له خولې ویلي چې موسیقي خلک له یو بل سره نژدې کوي.
اریانا سعید امریکا غږ ته په یو ویډیويي پیغام کې په دې اړه چې د امریکا د بهرنیو چارو د وزیر د خوښې په لېست کې سندره شامله ده خوښي ښودلې.
په افغانستان کې د طالبانو له واکمنۍ سره په رسنیو کې د موسیقۍ خپرول محدود شوي او ګڼ سندرغاړي له هېواده وتلي دي.
د امریکا د بهرنیو چارو وزارت د افغان ښځو د ملاتړ په موخه د چهارشنبې په ورځ رینا امیري د افغان ښځو، نجونو او بشري حقونو په برخه کې ځانګړې استازې وټاکله.