د چک، پولنډ او سلووینیا صدراعظمان له اوکراین د ملاتړ ښوولو لپاره کیف ته ځي
ټاکل شوې د چک جمهوریت، پولنډ او سلووینیا صدراعظمان نن کیف ته سفر وکړي او له اوکراین څخه خپل څرګند ملاتړ وښیي.
دا سفر داسې وخت کېږي چې روسیې پر اوکراین خپلې حملې ته دوام ورکړی دی.
د چک صدراعظم پیټر فیالا په یوه ټویټ کې ویلي، درې واړه رهبران به د اوکراین له ولسمشر ولادیمیر زلنسکي او صدراعظم دانیس شمیهال سره وګوري.
فیالا لیکلي، د سفر هدف له اوکراین، د هغه له ازادۍ او خپلواکۍ د اروپايي ټولنې د څرګند ملاتړ ښوول دي.
روسي ځواکونو د خپل غیر موجه یرغل په لړ کې تېره شپه هم د کیف ګڼې ساحې بمبار کړې دي.