د هند شمال کې له باران وروسته سېلابونو ۲۹ کسان مړه کړي
د هند په شمال کې له پرلهپسې څو ورځني موسمي باران وروسته سېلابونو لږترلږه ۲۹ کسان مړه کړي دي.
د فرانسې خبري اژانس د چارواکو په حواله ویلي چې هیماچل پردېش ایالت تر ټولو ډېر ځپل شوی او دغلته سېلابونو پلونه او سړکونه ویجاړ کړي او ویډیوګانو کې ښکاري چې موټر اوبو په سر اخیستي دي.
تر دې ایالت وروسته راجستان او اوترپردېش سیمو کې هم سېلابونو خلکو ته د سر او مال زیان اړولی دی.
ویل کېږي چې په هیماچل پردېش سیمه کې شاوخوا درې سوه کسان چې تر ډېره ګرځندویان دي یوه سیمه کې سېلاب ایسار کړي او دولت هڅه کوي چې د باران په درېدو د هغوی ژغورنې ته هیلیکوپټرې ولېږي.
د هند د هوا پېژندې ادارې په راتلونکو څو ورځو کې د نورو بارانونو وړاندوینه هم کړې ده.
پرون دوشنبه په پلازمېنه نوي ډیلي کې هم د سېلابونو له وېرې ښوونځي تړلي وو.