جنوبي افریقا؛ ۱۸ شکمن وسله وال پولیسو سره جګړه کې وژل شوي
د پولیسو یو شمیر چارواکو پرون وویل، چې د جنوبي افریقا په شمال کې د ماکادو په ښارګوټي کې دا نښته وشوه.
پولیسو تر اوسه د وژل شویو کسانو د هویت په اړه څه نه دې ویلي، خو سیمه ییزو رسنیو راپور ورکړی دی چې دې کسانو په هغو وسله والو غلاو کې لاس درلود، چې د بانکونو له موټرو یې پیسې تښتولې.
دا په جنوبي افریقا کې د دوهمې ورځې په مخه مرګونې پيښه ده، چې رامنځته کیږي.
د پنجشنبې په ورځ د جهانسبرګ په ښار کې په یوې ودانۍ کې د اورلګیدو له امله لږ تر لږه څلور اویا کسانو خپل ژوند له لاسه ورکړ.