خیبرپښتونخوا؛ د هنګو په یوه جومات کې د جمعې د لمانځه پر مهال چاودنه شوې
چادونه نن د دوابې د پولیسو د ماموریت پر یوه جومات د جمعې له لمانځه مخکې د خطبې پر مهال شوې ده.
د پولیسو د ماموریت مشر شاه راز د ازادي راډيو مشال څانګې ته ویلي، چې په دې پیښه کې دوه تنه وژل شوي او پنځه نور ټپیان دي.
شاه راز زیاته کړې، د چادونې له کبله د جومات چت راغوځیدلی او د کنډوالو لاندې د بندو کسانو د رایستلو هڅې پیل شوې دي.
د هنګو د پولیسو مشر نثار احمد رسنیو ته ویلي، په جومات کې له ۳۰ څخه تر ۴۰ پورې کسان موجود ول.
نثار احمد زیاته کړې، دا وېره شته چې د وژل شویو کسانو شمیر زیات شي.
تراوسه چا د چادونې مسولیت نه دی منلی.