اسراییلو غزه کې د حماس ډلې پر ضد عملیاتو ته زور ورکړی
اسراییلي سرتېرو د غزې د تړانګې په یو روغتون کې چې له تېرو څو اونیو راهیسې زرګونه ناروغان او بې ځایه شوې کورنۍ پکې دېره دي او د روغتون په شاوخوا کې د حماس له جنګیالیو سره نښتې وکړې.
په روغتون کې دننه یوه روغتیاپال او د غزې د روغتیا وزارت ویلي چې د اندونیزیا په نوم د دې روغتون پر دوهم پوړ یو توغندی ولګېد چې دولس کسان یې ووژل.
دواړو سرچینو د دې برید پړه پر اسراییلو اچولې، خو اسراییل وايي چې روغتون یې په توغندي نه دی ویشتلی؛ بلکې د هغو دزو ځواب یې ویلی دی چې وسله والو د روغتون له منځه پر اسراییلي سرتېرو کولې.