د بنګله دیش د کرکټ ملي لوبډله د ۲۰۲۶کال د کرکټ شل اوریزه نړیوال جام لپاره هند ته سفر نه کوي
د بنګله دیش د کرکټ ملي لوبډله د ۲۰۲۶کال د کرکټ شل اوریزه جام نړیوال لپاره هند ته سفر نه کوي.
د بنګله دیش کرکټ بورډ د یکشنبه په ورځ د (جنوري۴مه) په یوه خبرپاڼه کې ویلي،"داسې نه ښکاري چې په هند کې دې د بنګله دیش لوبغاړي خوندي". دغه کرکټ بورډ د کرکټ له نړیوالې شورا غوښتي چې د بنګله دیش لوبې دې په هند کې نه وي.
د بنګله دیش کرکټ بورډ دا پریکړه د هند کرکټ بورډ او په ای پي ایل سیالیو کې د کلکتې نایټ رایډرز لوبډلې له خوا د بنګله دیشي لوبغاړ مستفیض الرحمن د لیرې کیدو په غبرګون کړې ده.
د هندي رسنیو د ادعاو له مخې، په دې وروستیو کې په بنګله دیش کې له هندوانو سره توپیر چلند او پر هغوي تشدد شوی دی.
تراوسه د کرکټ نړیوالې شورا د بنګله دیش دې غوښتنې ته ځواب ورکړی نه دی.
د کرکټ شل اوریز نړیوال جام په راروانه فبروري میاشت کې پیلیږي چې د بنګله دیش لوبې په کلکته او ممبېۍ کې پلان شوي دي.