Новости за 11.07.2021

Maqedonia e Veriut pret ndryshim në politikën e Sofjes pas zgjedhjeve parlamentare të së dielës në Bullgari. Në nëntor të vitit të kaluar, Bullgaria, si vend anëtar i Bashkimit Evropan, ka përdorur veton ndaj Maqedonisë së Veriut, duke i bllokuar nisjen e bisedimeve për anëtarësim në BE. Sofja kërkon fillimisht zgjidhjen e mosmarrëveshjeve për gjuhën maqedonase, identitetin dhe aspekte të tjera historike, me pretendimet se ato kanë prejardhje bullgare. Kryeministri i Maqedonisë së Veriut, Zoran Zaev... Читать дальше...

Izraeli tha të dielën se do të fillojë të ofrojë dozën e tretë të vaksinës Pfizer/BioNTech kundër koronavirusit, për të rriturit me sistem të dobët imunitar. Përhapja e shpejtë e variantit Delta të koronavirusit ka rritur rastet në Izrael gjatë muajit të kaluar, nga numra njëshifrorë në rreth 450 në ditë. Ministri i Shëndetësisë i Izraelit, Nitzan Horowitz, tha se të rriturit me sistem të dobët imunitar, që kanë marrë dy doza të vaksinës Pfizer/BioNTech, mund të marrin edhe dozën e tretë përforcuese. Читать дальше...

Disa zjarre kanë përfshirë pjesën perëndimore të SHBA-së, në kohën kur rajoni po përjeton një valë rekorde të nxehtësisë. Komuniteteve u është thënë të evakuohen, derisa zjarrfikësit luftojnë me flakët. Dy zjarrfikës në Arizona kanë humbur jetën, pasi avioni i tyre është rrëzuar. Zjarrfikësit thonë se ajri është aq i thatë, saqë shumë ujë që bie nga avionët për të shuar flakët, avullohet përpara se të arrijë në tokë. Të shtunën, temperatura në Las Vegas ka shënuar rekord: 47.2 gradë Celsius. Читать дальше...

Për më shumë se pesë vjet, Agron Rushiti nga fshati Biti e Poshtme e Shtërpcës ka kundërshtuar ndërtimin e hidrocentraleve në rajonin e tij. Ai ka marrë pjesë në dhjetëra protesta kundër futjes në gypa të lumit Lepenc, i cili kalon edhe pranë shtëpisë së tij. Rushiti thotë se është momenti i fundit që Qeveria të marrë masa ndëshkuese ndaj kompanive që kanë ndërtuar hidrocentralet, duke dëmtuar natyrën. “Unë po të tregoj se nuk ka asgjë, as burgu, as paratë që mund ta paguajnë dëmin, sepse lisi nuk kthehet në gjendjen e mëparshme. Читать дальше...

Talibanët ndaluan dhjetëra aktivitete të rëndomta në Afganistan, gjatë udhëheqjes së tyre në vitet 1996-2001, përfshirë lëshimin e balonave, zbukurimin e flokëve, e madje edhe luajtjen e muzikës. Këto u lejuan prapë, pas largimit të tyre, por frika po rritet mes qytetarëve se ato prapë do të ndalohen, nëse islamikët ekstremistë kthehen në pushtet. (Përgatitën: Trim Haliti dhe Bujar Tërstena)

Papa Françesku u shfaq në publik për herë të parë qëkur iu nënshtrua operacionit për një problem në zorrën e trashë, një javë më parë. Duke qenë në gjendje të mirë shëndetësore, Papa, 84 vjeç, udhëhoqi lutjet javore nga një ballkon i Spitalit Gemelli në Romë. Qindra njerëz u mblodhën jashtë spitalit. “Jam i lumtur që jam në gjendje të mbaj takimin e së dielës Angelus edhe nga këtu”, i tha Papa turmës. “E kam ndjerë thellësisht afërsinë tuaj dhe mbështetjen e lutjeve tuaja. Faleminderit nga zemra”, tha ai. Читать дальше...

Kryeministrja e Serbisë, Ana Bërnabiq, tha se në vitin 1995 në Srebrenicë “ka ndodhur një krim i tmerrshëm”, por shtoi se zyrtarët e Serbisë nuk e kanë vendin në ngjarjet përkujtimore atje, derisa të mos ndiqen penalisht personat që, gjashtë vjet më parë, sulmuan kryeministrin e atëhershëm të Serbisë, Aleksandar Vuçiq. Në Bosnje dhe Hercegovinë sot u shënua përvjetori i 26-të i gjenocidit në Srebrenicë. Mbi 8,000 burra dhe djem myslimanë u vranë në korrik të vitit 1995 nga forcat serbe të Bosnjës. Читать дальше...

Mijëra njerëz në Bosnje dhe Hercegovinë u mblodhën të dielën për të përkujtuar masakrën e Srebrenicës - gjenocidin e vetëm të njohur në Evropë që nga Lufta e Dytë Botërore - dhe për të varrosur eshtrat e 19 viktimave të identifikuara së voni. Masakra ndodhi në korrik të vitit 1995, kur forcat serbe të Bosnjës vranë mbi 8,000 burra dhe djem myslimanë. (Përgatiti: Valona Tela)

Ende pa filluar zyrtarisht fushata për zgjedhjet lokale që do të mbahen në tetor, partitë politike në Maqedoninë e Veriut kanë intensifikuar takimet me qytetarët. Organizatat joqeveritare, që monitorojnë punën e komunave, thonë se partitë politike në këtë mënyrë po synojnë të konsolidojnë anëtarësinë e tyre. Kryetari i Kuvendit të Maqedonisë së Veriut, Talat Xhaferi, ka afat që deri në fund të gushtit ta caktojë datën e zgjedhjeve lokale. Këto do të jenë zgjedhjet e shtata lokale, prejse Maqedonia e Veriut ka shpallur pavarësinë më 1991. Читать дальше...

Dymbëdhjetë raste të reja me koronavirus u konfirmuan të dielën në Kosovë. Ministria e Shëndetësisë, duke u thirrur në të dhënat e Institutit Kombëtar të Shëndetësisë Publike të Kosovës (IKSHPK), tha se rastet e reja pozitive rezultuan pas kryerjes së 1,898 testeve. Në njoftim po ashtu bëhet e ditur se në 24-orëshin paraprak, 13 pacientë u shëruan nga koronavirusi. Aktualisht, raste aktive janë 133. IKSHPK-ja ka konfirmuar gjithsej 107,854 raste me koronavirus në Kosovë. Prej tyre, 2,264... Читать дальше...

Një autobus që po transportonte migrantë nga Afganistani, Pakistani dhe Bangladeshi, u rrëzua në lindje të Turqisë, duke shkaktuar vdekjen e së paku 12 personave dhe plagosjen e 26 të tjerëve. Aksidenti ndodhi në qarkun Muradije të provincës Van, pranë kufirit të Turqisë me Iranin. Burimet lokale i thanë agjencisë së lajmeve Reuters së autobusi u kap në flakë, pasi ra në një hendek. Identiteti i viktimave nuk është ende i qartë. Pronari i autobusit u ndalua nga autoritetet. Turqia është... Читать дальше...

Përfaqësues të institucioneve në Kosovë kujtuan të dielën gjenocidin në Srebrenicë - 26 vjet pas ndodhjes së tij. Kryeministri Albin Kurti kujtoi se Kuvendi i Kosovës ka miratuar një rezolutë me të cilën dënohet gjenocidi në Srebrenicë dhe shtetet e rajonit ftohen që të bëjnë përpjekje shtesë “për t`i nxjerrë para drejtësisë të gjithë ata që janë përgjegjës për planifikimin dhe kryerjen e gjenocidit”. “Ne duam paqe, bashkëpunim dhe barazi mes kombeve në Ballkan. Por, themeli i asaj paqeje është ndëshkimi i kriminelëve”... Читать дальше...

Kabuli kërkoi nga vendet e Evropës që të ndalojnë dëbimin e detyrueshëm të azilkërkuesve afganë gjatë tre muajve të ardhshëm, për shkak të dhunës në rritje të talibanëve dhe përkeqësimit të pandemisë së koronavirusit në Afganistan. “Situata e luftës” dhe vala e tretë e infeksioneve me koronavirus kanë shkaktuar trazira ekonomike dhe sociale në Afganistan, tha Ministria e Refugjatëve dhe Riatdhesimit e Afganistanit. Në deklaratën e saj thuhet se “situata aktuale në vend nuk është e përshtatshme për kthimin e detyrueshëm të migrantëve”. Читать дальше...

Pushimet e verës tashmë kanë nisur dhe një numër i të rinjve në Kosovë po planifikojnë të shfrytëzojnë disa ditë për të udhëtuar jashtë vendit. Disa prej tyre tashmë i kanë përfunduar pushimet, ndërsa ka edhe të tillë që në pamundësi financiare, nuk do të udhëtojnë. Bregdetet në vendet fqinje, kryesisht në Shqipëri, janë destinacioni kryesor për të rinjtë nga Kosova. Disa prej tyre thonë se i financojnë vetë pushimet, ndërsa disa të tjerë varen ende nga financat e prindërve. Të rinjtë e anketuar... Читать дальше...

E veja e plagosur e presidentit të Haitit tha se vrasësit “e shqyen” burrin e saj me plumba. Martine Moise tha se sulmi ndodhi aq shpejt, saqë burri i saj, Jovenel, “nuk ishte në gjendje të thoshte asnjë fjalë të vetme”. Presidenti Moise u vra më 7 korrik në rezidencën e tij në kryeqytetin Port-au-Princ. Policia haitiane tha se një grup prej 28 mercenarësh të huaj vrau presidentin. Zonja Moise gjithashtu u plagos në sulm dhe u dërgua në Majami për mjekim. Të shtunën, ajo postoi një mesazh me zë në faqen e saj në Twitter... Читать дальше...

“Teksa shënojmë 26-vjetorin e gjenocidit në Srebrenicë, është detyra jonë e përbashkët që ta kujtojmë atë përgjithmonë”, thanë në një deklaratë të përbashkët shefi i politikës së jashtme të Bashkimit Evropian, Josep Borrell, dhe komisionari për zgjerim i BE-së, Oliver Varhelyi. “Në Evropë nuk ka vend për të mohuar gjenocidin, revizionizmin dhe për të madhëruar kriminelët e luftës. Këto janë në kundërshtim me vlerat më themelore evropiane. Përpjekjet për të rishkruar historinë janë të papranueshme”, thanë ata. Читать дальше...

Në Bullgari mbahen sot zgjedhjet parlamentare - të dytat brenda tre muajsh. Zgjedhjet që u mbajtën në prill, nuk prodhuan rezultat vendimtar. Sondazhet e opinionit, që u publikuan para zgjedhjeve të sotme, sugjeruan një garë të ngushtë midis partisë GERB të ish-kryeministrit Boyko Borisov dhe partisë “Ka një popull të tillë”, të udhëhequr nga një drejtues emisionesh televizive, Slavi Trifonov. Disa akuza të reja për keqpërdorim të fondeve qeveritare nga administratat e udhëhequra nga GERB,... Читать дальше...

Eshtrat e 19 viktimave të gjenocidit në Srebrenicë u varrosën të dielën në Qendrën Përkujtimore Potoçari. Viktima më e re që u varros, ishte Azmir Osmanoviq, i cili ishte 16 vjeç kur u vra. Eshtrat e tij u gjetën në një varr masiv dhe u identifikuan në maj të këtij viti. Viktima më e vjetër që u varros të dielën, ishte Husein Kurbashiq - 63 vjeç në kohën kur u vra. Bosnje dhe Hercegovina shënoi sot 26-vjetorin e masakrës së Srebrenicës. Më 11 korrik të vitit 1995, forcat serbe të Bosnjës hynë në Srebrenicë... Читать дальше...