Vdes historiani kroat, Ivo Banac
Historiani, politikani dhe shkrimtari kroat, Ivo Banac, ka vdekur të hënën në moshën 74-vjeçare, raporton agjencia kroate e lajmeve HINA.
Sipas këtij burimi, Banac vuante nga një sëmundje e rëndë.
Gjatë karrierës së tij, Banac ka qenë profesor i historisë në Universitetin amerikan Yale, ndërsa ka udhëhequr për dy mandate Kolegjin Pierson të këtij institucioni.
Banac ka qenë ministër i Mbrojtjes së Mjedisit në Qeverinë e Kroacisë, kryetar i Partisë Liberale dhe anëtar i Parlamentit kroat.
Ai ka qenë autor dhe redaktor i disa librave, artikujve, opinioneve dhe intervistave.
Një intervistë të historianit Banac dhënë Radios Evropa e Lirë mund ta lexoni këtu.