Vuajtjet e një familjeje, 35 vjet pas katastrofës së Çernobilit
Ish-punonjësja e uzinës së energjisë bërthamore në Çernobil, Anna Shynkarenko, e kujton hutinë dhe evakuimin e vonuar të familjeve, pas katastrofës bërthamore të vitit 1986, në atë që dikur ishte Bashkimi Sovjetik. Ajo thotë se fillimisht nuk ka ditur asgjë për seriozitetin e fatkeqësisë më të madhe civile bërthamore, dhe se madje ka punuar në ndërrimin e saj të rregullt në uzinën bërthamore, një ditë pas katastrofës. Kur Shynkarenko, bashkëshorti i saj, dhe tre vajzat e tyre më në fund u evakuuan nga shtëpia e tyre në Pripiatin e afërt, të gjithë vuanin nga sëmundje të shkaktuara nga rrezatimi. “Çernobili na e vodhi fëmijërinë, dhe ua shkatërroi jetën normale ty dhe babit”, thotë njëra prej vajzave të çiftit. (Përgatitën: Trim Haliti dhe Ibrahim Berisha)