Kosova regjistron dy viktima dhe 787 raste të reja me COVID-19
Në Kosovë janë regjistruar dy viktima dhe 787 raste të reja me koronavirus, njoftoi të martën Ministria e Shëndetësisë (MSH).
Rastet e reja dolën pas testimit të 5,082 mostrave. Sipas kësaj shifre i bie që 15.48 për qind e të testuarve kanë dalë pozitivë për COVID-19.
Në raportin e MSH-së, që i referohet të dhënave të 24 orëve paraprake, bëhet e ditur se janë shëruar edhe 3,613 pacientë.
Aktualisht, në Kosovë 20,995 janë raste aktive me koronavirus.
MSH-ja po ashtu njoftoi se në 24 orët paraprake janë administruar 1,754 doza të vaksinës kundër koronavirusit.
Në Kosovë të drejtë vaksinimi kanë të gjithë personat nga mosha 12-vjeçare. Ndërkaq, dozën përforcuese dhe atë të tretë mund ta marrin të gjithë personat nga mosha 18-vjeçare, të cilët para tre muajsh janë imunizuar me dy doza të vaksinës.