Ҳамдардии Эмомалӣ Раҳмон ба Ҳасани Рӯҳонӣ
Дар номаи тасаллияи раиси ҷумҳури Тоҷикистон аз ҷумла омадааст, "фоҷеаи ҷон бохтани мардум бар асари суқути ҳавопаймои мусофирбар дар вилояти Исфаҳони Ҷумҳурии Исломии Эрон боиси андуҳи амиқи мо гардид. Бо изҳори ҳамдардиву тасаллияти самимии хеш ба наздикону пайвандони ҳалокшудагон сабри ҷамил хоҳонам".
Ҳавопаймои ширкати "Осмон Эйрлайнз" рӯзи 18-уми феврал ҳангоми парвоз аз Теҳрон ба шаҳри Ясуҷ воқеъ дар вилояти Исфаҳони он кишвар суқут кард. Тамоми 66 сарнишини ҳавопаймои мусофирбари Эрон дар натиҷаи суқути ин ҳавопаймо Исфаҳон ҳалок шудаанд.
Ҳавопаймо 60 мусофир ва 6 халабон дошт. Сабаби фалокат маълум нест. Кумитаи Ҳилоли Аҳмари Эрон гуфт, ки 12 гурӯҳи наҷотбахшро ба маҳалли суқути ҳавопаймо фиристодааст. Ба гуфтаи телевизиони давлатии Эрон ҳавои номусоид нагузоштааст, ки чархболи наҷот ба маҳалли ҳодиса бирасад.