Мэттис: Барои ҳимояи ИМА аз Русия ва Чин нерӯҳои кайҳонӣ зарур аст

Нерӯҳои кайҳонӣ барои ҳимояи мушакҳои амрикоӣ аз силоҳест, ки Чин ва Русия тавсеаи онро оғоз кардаанд,- гуфт вазири дифои ИМА Ҷеймс Мэттис ҳангоми сафараш ба Бразилия. Дар ин бора нашрияи The Washington Post рӯзи 14 август хабар дод.


Соли 2007 Чин маҳви як мушаки кайҳонии ғайрифаъолро бо мушаки наве ба намоиш гузошт, ки ба гуфтаи Мэттис "пағом" ба унвони Амрико буд. Аз он замон, ба гуфтаи вазири дифоъ, истихбороти ИМА талоши кишварҳои дигар, аз ҷумла Русияро барои омӯзиши фурсатҳои таҳоҷумӣ дар кайҳон таҳти назорт гирифт.


Мэттис итминон дод, ки Пентагон барои истиқрори таслиҳот дар кайҳон барномаеро думбол намекунад, аммо гуфт, дар ҳоле, ки рақибон барои ҷилавгирӣ аз дастрасии Амрико ба кайҳон талош мекунанд, низомиёни ИМА  наметавонанд "даст рӯи даст" нишинанд. Мэттис чораҳои дақиқро, ки ИМА дар ин робита пиёда мекунад, ошкор накард.


Мавқеи Мэттис гумонҳои ёвари Котиби давлатии Амрико дар умури назорат бар таслиҳот Илим Поблетро тасдиқ мекунад, ки гуфтааст, Русия бар сари тавсеаи мушакҳои зидди мушакҳои кайҳонӣ ва сохтори лазерӣ кор мекунад.


Ба гуфтаи ӯ, моҳи октябри соли гузашта низомиёни рус "мушаки нозир"-ро ба кайҳон бароварданд, ки рафтори "бисёр ғайритабиӣ" дорад.


Изҳороти Мэттис ва Паблет дар ҳоле пахш шуд, ки чанд рӯз пеш ноиби президенти Амрико Майк Пенс барномаи таъсиси воҳиди шашуми артиши ИМА- нерӯҳои кайҳониро эълон кард.