Новости за 22.06.2019

Бино ба гузоришҳо, мақомоти Эрон як марди муттаҳам ба ҷосусӣ ба нафъи Идораи марказии истихбороти Амрикоро қатл кардаанд. Телевизиони давлатии Эрон рӯзи 22-юми июн гузориш дод, ки Ҷалол Ҳоҷизавор, паймонкор ё корманди қарордодии як бахши Вазорати дифоъ буд. Ҳукми ӯро Додгоҳи низомии Эрон пас аз чанд соли таҳқиқ содир кардааст. Телевизиони давлатии Эрон гуфт, ин мард дар зиндони Риҷоишаҳр, ғарби Теҳрон, қатл шудааст. Ҷузъиёти аз ин бештар дастрас нест. Хабаргузории нимарасмии ISNA гуфт, Ҳоҷизавор эътироф кардааст... Читать дальше...

Пизишкон гуфтанд, ки 65 дарсади бадани Осия Зулфоноваи шашсола сӯхтааст ва ӯ феълан дар шуъбаи эҳёгарӣ бистарист. Вазорати корҳои дохилӣ мегӯяд, президент Эмомалӣ Раҳмон дар бораи ҳодиса изҳори нигаронӣ кардааст.

Эътирозгарони зидди Русия дар Гурҷистон, ки барканории чанд мақоми баландпоя ва баргузории интихоботи зудҳангоми порлумониро тақозо доранд, рӯзи севум дар шаҳри Тбилиси (Тифлис) даст ба тазоҳурот заданд. Онҳо гуфтанд, тазоҳурот сулҳомез хоҳад буд. Бархӯрдҳои хушунатбор бо пулис дар ду рӯзи гузашта сабаб шуд, ки садҳо тан захмӣ ва дастгир шаванд. Ираклий Кобахидзе, раиси порлумони Гурҷистон, рӯзи 21-уми июн аз мақомаш канор рафт. Бо истеъфои ӯ, як талаби эътирозгарон иҷро шуд. Пеш аз рафтани Кобахидзе... Читать дальше...

Сироҷиддин Муҳриддин гуфт, шатранҷ, яке аз бозиҳои  қадимии тоҷикон буда имрӯзҳо ба як ҷузъи фарҳанги инсонӣ табдил ёфтааст

Бозии аввали дӯстонаи  дастаҳои  футболи  мунтахаби  то 16-солаи Тоҷикистон ва Узбакистон бо пирӯзии футболбозони тоҷик анҷом ёфт

Пизишкон гуфтанд, ки 65 дарсади бадани Осия Зулфоноваи шашсола сӯхтааст ва ӯ феълан дар шуъбаи эҳёгарӣ бистарист.

Пас аз чандин ҳушдори мақомоти Русия дар бораи афзоиши нуфузи ДИИШ дар Афғонистон, як намояндаи баландпояи Амрико низ дар ин бора изҳорот дод. Ин дар ҳолест, ки таъкиди русҳо ба қазия бештар таблиғоте дониста мешавад барои таҳкими ҷойгоҳи худ дар Осиёи Марказӣ.

Теҳрон мегӯяд, бо ҳамагуна таҳдидҳои Амрико зидди ин кишвар “муқобила” хоҳад кард. Ин изҳорот баъд аз он садо дод, ки президент Доналд Трамп гуфт, “даҳ дақиқа қабл аз оғози ҳамла ба Эрон” аз ин иқдом пешгирӣ намуд. Аббос Мӯсавӣ, сухангӯи Вазорати корҳои хориҷии Эрон, рӯзи 22-юми июн ба хабаргузории “Тасним”, марбут ба Сипоҳи посдорони инқилоби исломӣ, аз суқут дода шудани як дрони Амрико бар фарози Тангии Ҳурмуз ситоиш кард. Вай гуфт, Ҷумҳурии Исломӣ ҳаргиз иҷоза нахоҳад дод, ки тамомияти арзиаш нақз шавад. Читать дальше...

Доналд Трамп, раиси ҷумҳури Амрико, гуфт, ки номзадии Марк Эсперро ба мақоми вазири дифои ин кишвар пешниҳод мекунад. Эспер барои нишастан дар ин курсӣ бояд тасдиқи Сенати Амрикоро гирад. Вай рӯзи 24-уми июн корашро ба ҳайси сарпарасти Вазорати дифоъ оғоз мекунад. Сарпарасти пешини Пентагон Патрик Шанаҳан ҳафтаи гузашта аз вазифааш истеъфо дод. Тақрибан ним сол боз Вазорати дифои Амрико аз тарафи сарпарастҳо идора мешавад. Вазири пешин Ҷеймс Маттис дар оғози соли ҷорӣ бино ба ихтилоф бо Трамп... Читать дальше...

Як духтари шашсоларо дар ҳудуди ноҳияи Синои шаҳри Душанбе оташ задаанд ва ӯ бо ҷароҳатҳои вазнин дар бемористон бистарӣ карда шудааст. Ҳодиса рӯзи 19-уми июни имсол рух додааст. Масъулони Вазорати корҳои дохилии Тоҷикистон рӯзи 22-юми июн дар баёнияи расмӣ гуфтанд, "дар робита ба ин ҳодиса се ноболиғ дастгир шуд". Ҳодисаро муфаттишони Додситонии шаҳри Душанбе таҳқиқ доранд ва то ба ҳол сабабу ангезаи оташ задани духтари шашсола эълон нашудааст. Вазорати корҳои дохилӣ мегӯяд, президент Эмомалӣ... Читать дальше...

Вазорати корҳои хориҷии Амрико имсол Тоҷикстонро дар гурӯҳи "кишварҳои мавриди нигаронии хос" ва дар қатори давлатҳои поймолкунандаи озодиҳои динӣ ҷой додааст. Ба ин гурӯҳ Эрону Русия ва Чину Бирма шомиланд.

Аз аввали моҳи июн чиҳил нафар дар ҳавзу кӯл ва дарёҳои Тоҷикистон ғарқ шудаанд. Аз ин шумор беш аз бист нафари онҳо наврасони то ҳабдаҳсола ҳастанд. Масъулони Кумитаи ҳолатҳои фавқулодаи Тоҷикистон рӯзи 21-уми июн дар баёнияе гуфтанд, “ҷасадҳо берун оварда шуда, ба соҳибонашон супорида шудаанд.” Ҳамин манбаъ мегӯяд, дар ин муддат имдодрасонҳо ҳаёти 12 нафарро аз марг наҷот додаанд.  Бо тафсон шудани ҳаво дар Тоҷикистон бисёриҳо, аз ҷумла наврасон худро ба кӯлу дарё мезананд, то шиддати гармиро камтар эҳсос кунанд. Читать дальше...

Иттиҳоди Аврупо мегӯяд, агар Тоҷикистон ба барномаи GSP+ ворид шуда шартҳои онро бипазирад, танҳо аз ҳисоби имтиёзи гумрукӣ 1,8 миллион евро фоида мебинад.