Новости за 09.01.2021

Додгоҳи ҳарбии гарнизони Хуҷанд як пайрави 22-солаи пайрави “Шоҳидони Яҳува” –ро бо гуноҳи саркашӣ аз хидмати ҳарбӣ ба севуним соли зиндон маҳкум кард. Фаъолияти ин дини масеҳӣ дар Тоҷикистон мамнуъ аст ва бар асоси ақидаи пайравонаш, онҳо набояд дар сафи артиш хидмат кунанд.  Рӯзи 8 - уми январ дар додгоҳи ҳарбии гарнизони Хуҷанд гуфтанд, ки додгоҳ Рустамҷон Норовро барои  “саркашӣ аз адои хидмати ҳарбӣ бо усули дигар” гунаҳкор донист. Рустамҷон Норов, ки нахост дар қисми ҳарбие дар Хуҷанд либоси низомӣ бипӯшад... Читать дальше...

Баҳодур Усмонов, муштзани маъруфи тоҷик, дорандаи роҳхат ба Бозиҳои тобистонаи олимпӣ дар Токио, дар ҳайати дастаи Мурат Гассиев дар мусобиқаи бокси ҳирфаӣ («Лига Ставок. Кубок Матч! Боец») дар шаҳри Сочии Русия пирӯз шуд. Муштзани тоҷик дар ҳайати дастаи Мурат Гассиев дар дувумин рақобати худ дар доираи мусобиқаи дастаӣ, ки 8-уми январ дар Сочи доир гардид, дар вазни то 64 кило бар Гусейн Магомедов аз тими Султон Иброҳимов ғалаба кард. Қувваозмоӣ дар вазни аввали ниммиёна чор раунд идома ёфт ва ҳисоб баробар - 38:38 шуд. Читать дальше...

Панҷ мудири собиқи Радиои Аврупои Озод/Радиои Озодӣ аз Ҷо Байден, раиси ҷумҳури тозаинтихоби Амрико хостаанд, баъди нишастан ба курсии раиси ҷумҳур, ба ҷойи Майкл Пак мудири Оҷонси суханпарокании Амрико каси дигареро таъйин кунад. Дар номаи муштараки онҳо ба унвони Ҷо Байден, аз ӯ тақозо шудааст, ки бо андешидани тадобири дигар “тамомияту дурустӣ”-и расонаҳои байналмилалии Амрикоро, ки давлат маблағгузорӣ мекунад, муҳофизат намояд. Дар номае, ки рӯзи 8-уми январ фиристодаанд, мудирони собиқи Радиои Озодӣ гуфтаанд... Читать дальше...

Виктор Храпунов, шаҳрдори собиқи Алмаато ва ҳамсари ӯ Лайло Храпунова, ки ҳарду дар ғайбашон дар Қазоқистон ба солҳои дарози зиндон маҳкум шудаанд, дар Швейтсария ҳаққи паноҳандагӣ гирифтаанд. Додгоҳи Федеролии Швейтсария рӯзи 7-уми январ бо нашри як баёнияи расмӣ гуфт, ба як ҷуфт аз Қазоқистон, ки ҳоло аз ҳам ҷудо шудаанд, ҳаққи паноҳандагӣ доданд, чун “дар гузашта дар режими Қазоқистон мақомҳои баланд доштаанд ва дар сурати бозгашт мумкин буд, ноодилона муҳокима шаванд.” Лайло Храпунова гуфт, ки дар воқеъ сухан дар бораи онҳо меравад. Читать дальше...

Дар Амрико сирояти коронавируси нав суръат гирифта ва рӯзи 8-уми январ ба ҳадде расид, ки дар гузашта дида нашудааст. Дар он рӯз бино ба гузориши Тарҳи огаҳӣ аз COVID 310 ҳазор мавриди сирояти коронавируси навро сабт кардаанд. Беморӣ ҳамчунин бештар аз 3700 нафарро куштааст ва дар маҷмуъ дар натиҷаи сирояти коронавирус дар Амрико тақрибан 370,000 нафар ҷон додаанд. Амрико, ки аҳолиаш ба 330 миллион нафар мерасад, умедвор аст, бо ваксинзании саросарӣ, ки моҳи декабр шуруъ шуд, пеши роҳи сирояти бемориро бигирад. Читать дальше...

Мақомоти интизомии Афғонистон се нафарро бо иттиҳоми даст доштан дар қатли Юсуф Рашид як фаъоли шинохтаи сиёсӣ дастгир кардаанд. Фирдавс Фаромарз, сухангӯи Раёсати  пулиси Кобул дар ин бора рӯзи 9-уми январ хабар дод, вале на номи боздоштшудагонро гуфт ва на гуруҳеро, ки ба он таллуқ доштаанд. Юсуф Рашид, раиси Бунёди интихоботи озоду одилона дар Афғонистонро афроди ношинос рӯзи 23-уми декабр ҳамроҳ бо ронандааш дар дохили мошинашон дар яке аз ноҳияҳои Кобул куштанд. Ӯ ба маросими ифтитоҳи як созмони ҳомии сулҳ дар Афғонистон мерафт. Читать дальше...

Вазорати тандурустӣ эълон кард, ки дар 24 соати гузашта ва то рӯзи 9-уми январ ягон мавриди нави бемории COVID-19-ро дар Тоҷикистон сабт накардааст. Дар як ҳафтаи ахир бори чандум аст, ки вазорат мегӯяд, рӯзона ягон маврид, ё аксаран то 5 гирифтори бемориро сабт мекунад. Аз рӯзи 30-уми апрел то кунун ба гуфтаи вазорати тандурустӣ коронавируси нав дар Тоҷикистон ба 13305 кас сироят карда, 90 нафарро куштааст. Ба гуфтаи мақомоти вазорат то ҳол андаке бештар аз 99 дар сади беморон шифо ёфтаанд ва... Читать дальше...

Муштзани тоҷик Баҳодур Усмонов қувваозмоии севуми худро дар карераи касбияш бо пирӯзӣ бар Ҳусейн Муҳаммадови рус ба даст овард

Дар пайи танқиди зиёди мақомоти Тоҷикистон барои зиндонӣ кардани як пирамарди 80-сола, Вазорати умури дохилӣ бо нашри баёнияе гуфт, Дона Набиевро “бегуноҳ” ҷазо надодаанд. Вазорат шаби 8-уми январ бо нашри баёнияи расмӣ гуфт, узви собиқи Ҳизби мамнуи наҳзати исломӣ бо гуноҳи ифротгароӣ ва кумаки молӣ ба ҷангҷӯёни тоҷик дар хориҷ ба 7 соли зиндон маҳкум шудааст. Ҳизб дар баёнияе гуфт, ки ҳама иттиҳомот "сиёсӣ ва маҳз барои бадном кардани як пирамарди бегуноҳ аст."  Вазорати корҳои дохилӣ гуфтааст... Читать дальше...

Дар барномаи Гапи озод дар бораи он суҳбат шуд, ки даъвати мухолифон барои бозгашт ба ватан чӣ маънӣ дорад. Шарофиддин Гадоев, раҳбари Ҳаракати ислоҳот ва рушди Тоҷикистон ва Шокирҷон Ҳакимов, сиёсатшинос ва муовини раиси Ҳизби сотсиал демократи Тоҷикистон меҳмони барнома ҳастанд.