Новости за 09.11.2023

Қирғизистон гуфт, ҳавасманд аст, ки бо Олмон парвози мустақими ҳавопаймоҳоро ба роҳ монад.

Шайлообек Атазов, вакили порлумони Қирғизистон рӯзи 9 ноябр барои бозпурсӣ ба Кумитаи давлатии амнияти миллии он кишвар даъват шудааст.

Тоҷикистону Қирғизистон боз як бахши марзи муштаракро муайян кардаанд.

Аниси кунҷи танҳоии Рустам Қувватов китоб будааст. Баъди раҳоӣ аз маҳбас ӯро дар ягон ҷо ба кор намегиранд.

Баъди марги падараш писари Пригожин мехоҳад ширкати зархаридони "Вагнер"-ро наҷот диҳад.

Дар Тошканд Президенти Тоҷикистон бо раҳбари Узбекистон вохӯрда, ӯро ба зиёрат аз Тоҷикистон даъват кард, Тоҷикистону Қирғизистон боз як пораи дигари марзи муштаракро ташхис кардаанд, писари Пригожин баъди марги падараш мехоҳад гурӯҳи "Вагнер"-ро эҳё кунад ва қиссаи як маҳбуси собиқ, ки ба китобхонӣ шавқ дорад.

Шавҳари хабарнигори Радиои Аврупои Озод/Радиои Озодӣ Алсу Қурмашева, ки рӯзи 18-уми октябр дар Русия боздошт шуд, ҳамсарашро як “зиндонии сиёсӣ” меномад.

Додситонии кулли Қазоқистон рӯзи 8 ноябр хабар дод, ки дар пайи заҳролудшавии кӯдакон дар мактаби деҳаи Сарикамари вилояти Ҷамбили Қазоқистон таҳқиқ шуруъ шудааст.

Пахтакорон дар Тоҷикистон, Узбекистон ва Қирғизистон мегӯянд, бо ранҷу сарфи зиёде пахта кишт мекунанд, вале ҳосили онро бо нархе мехаранд, ки фоидаи зиёд намебинанд.

Варзишгарони тоҷик дар мусобиқоти қаҳрамонии самбои ҷаҳон, ки рӯзҳои 10-12-уми ноябр дар пойтахти Арманистон - шаҳри Ереван – баргузор мешавад, иштирок мекунанд, ки дар байни онҳо қаҳрамонҳои собиқи ҷаҳон Акмалиддин Каримов ва Хушқадам Хусравов ҳастанд.

Баъди хуруҷи вулқон дар Ҷопон ҷазираи наве пайдо шудааст, хабар медиҳад The Guardian.

Мақомоти Русия гуфтаанд, ки дар панҷ моҳи ахир наздик ба сад ҳазор қонуншикании муҳоҷиронро ошкор намудаанд ва 15 ҳазор муҳоҷирро аз ин кишвар хориҷ кардаанд.

Дар ҳоле, ки ҷанг миёни "Ҳамос" ва Исроил дар Ғазза ба шиддат идома дорад, ин буҳрон ба дигар минтақаҳои Ховари Миёна низ таъсири худро расонидааст.

Президенти Қирғизистон Содир Ҷабборов дар доираи сафари кории худ ба шаҳри Тошканд 8 ноябр бо ҳамтои узбекаш Шавкат Мирзиёев мулоқот кард. Ҷабборов ва Мирзиёев "самтҳои кунунии ҳамкориҳои дуҷонибаи Қирғизистону Узбекистон, аз ҷумла таҳкими минбаъдаи муносибатҳои дӯстӣ, шарикии стратегӣ ва тавсеаи ҳамкориҳои гуногунҷанбаро баррасӣ карданд". Ҷонибҳо таъкид кардаанд, ки лоиҳаҳои бузурги муштараки сармоягузорӣ, нақлиётӣ ва энержӣ пайваста бояд амалӣ шаванд ва табодули фарҳангию башардӯстона густариш ёбад. Читать дальше...

Эмомалӣ Раҳмон, раиси ҷумҳури Тоҷикистон субҳи 9-уми ноябр барои иштирок дар нишасти сарони кишварҳои узви Созмони ҳамкориҳои иқтисодӣ (СҲИ), ба Узбекистон сафар кард. Ба иттилои Дафтари матбуоти раёсати ҷумҳури Тоҷикистон, Эмомалӣ Раҳмонро дар ин сафар вазири корҳои хориҷӣ, ёвари президент оид ба масъалаҳои робитаҳои хориҷӣ, вазирони рушди иқтисод ва савдо, нақлиёт, раиси Кумитаи давлатии сармоягузорӣ ва идораи давлатӣ ва дигар афроди расмӣ ҳамроҳӣ мекунанд. Нишасти 16-уми Созмони ҳамкориҳои... Читать дальше...

Озарбойҷон рӯзи 8 ноябр севумин солгарди пирӯзӣ бар артиши Арманистонро дар ҷанги 44-рӯза дар соли 2020 барои бозпас гирифтани Қарабоғи Куҳӣ таҷлил кард. Артиши Озарбойҷон се сол пеш дар ин рӯз назорат бар шаҳри стратегии Шуширо ба даст овард ва сипас ҷонибҳо ба созише розӣ шуданд, ки ба нафъи Боку буд. Президенти Озарбойҷон Илҳом Алиев дар гашти низомии шаҳри Ханкандӣ (номи арманӣ – Степанакерт), маркази пешини маъмурии Қарабоғи Куҳӣ иштирок кард. Алиев дар суханронии худ изҳор дошт, "Озарбойҷон он чиро... Читать дальше...