Ҳасан Рӯҳонӣ ба артиш дастур додааст, "ҳушёр" бошад
Телевизиони давлатии Эрон гузориш дод, ки Ҳасан Рӯҳонӣ ба вазири дифоъ гуфтааст, “стротегияҳои таъмини амният дар минтақаро бодиққат пайгирӣ кунад ва айни замон ҳушёриву нуфузи мӯътабарашро дар минтақа нигаҳ дорад”. Ба гуфтаи телевизионӣ давлатӣ, Ҳасан Рӯҳонӣ айни паёмро дар сӯҳбати телефонӣ ба генерал Ҳусейн Саломӣ, фармондеҳи Сипоҳи Посдорони Инқилоби Исломӣ расондааст.
Ҳусейн Саломӣ рӯзи 23-уми апрел ба нерӯҳои худ амр додааст, дар сурати халал эҷод кардани киштиҳои амрикоӣ барои ҳаракати киштиҳои тиҷоратии Эрон онҳоро ҳадаф бигиранд. Як рӯз пештар аз ин Доналд Трамп, раиси ҷумҳури Амрико дар Твиттер навишт, ба новҳои ҷангии кишвараш амр дод, дар сурати халалдор кардани ҳаракати онҳо аз тарафи киштиҳои эронӣ онҳоро нобуд кунанд. Аввали ин моҳ артиши Амрико гуфт, киштиҳои Сипоҳи Посдорони Инқилоби Исломӣ ба киштиҳои Амрико дар Халиҷи Форс наздик шудаанд.