Аввалин пирӯзии мунтахаби ҷавонони Тоҷикистон дар Туркия
Дастаи мунтахаби футболи ҷавонони то 20-солаи Тоҷикистон бо роҳбарии сармураббӣ Олег Кубарев, мутахассиси беларусӣ, дар доираи ҷамъомади таълимиву тамринӣ дар Анталияи Туркия бозии чаҳоруми санҷишӣ баргузор кард.
Рақиби футболбозони ҷавони тоҷик мунтахаби ҷавонони Озарбойҷон буд. Бозӣ, ки дар маҷмааи варзишии «Корнелия»-и Белек баргузор шуд, бо ҳисоби 2:1 ба фоидаи мунтахаби ҷавонони Тоҷикистон хотима ёфт. Голҳои мунтахаби Тоҷикистонро легионерҳо - Салам Ашурмамадов ва Алиҷони Айнӣ - заданд.
Пеш аз оғози бозии санҷишӣ дастаҳои мунтахаби ҷавонони Тоҷикистон ва Озарбойҷон хотираи қурбоншудагони заминларза дар Туркия ва Сурияро бо як дақиқа хомӯшӣ пос доштанд.
Қаблан дар доираи ин ҷамъомад аввалин бозии санҷишии футболбозони ҷавони тоҷик бо мунтахаби ҷавонони Ироқ (U-20) бо натиҷаи мусовӣ ва бидуни гол хотима ёфта буд. Бозии дуюми санҷишӣ бо дастаи «Бухоро», ки дар Суперлигаи Узбекистон ҳунарнамоӣ мекунад, бо ҳисоби 3:1 ба фоидаи бухороиҳо анҷом пазируфт. Бозии сеюми санҷишии мунтахаби ҷавонони Тоҷикистон бо пешсафи лигаи аввали Полша – бошгоҳи LKS (Клуби варзишии Лодз) бо ҳисоби мусовии 1:1 ба поён расид.
То охири ҷамъомади таълимиву тамринӣ дар Анталияи Туркия дастаи мунтахаби ҷавонони Тоҷикистон (U-20) боз се бозии санҷишӣ анҷом медиҳад.
Бозиҳои санҷишӣ
Тоҷикистон (U-20) – Ироқ (U-20) – 0:0
Мунтахаби ҷавонони Тоҷикистон (ҳайати ибтидоӣ): Суҳробхуҷа Юсупов, Содиқҷон Қурбонов, Меҳрубони Абдурауф, Шаҳриёри Иноятулло, Фахриддин Аҳтамов, Азизбек Ҳаитов, Алиҷони Айнӣ, Салам Ашӯрмамадов, Ҳамадонӣ Камолов, Хусрав Тоиров, Абдулфаттоҳ Худойдодзода.
23-юми январ. Сиде, Туркия. Маҷмааи варзишии «Арслон Закӣ Демирчӣ».
Тоҷикистон (U-20) – «Бухоро» (Узбекистон) – 1:3
Голи Тоҷикистон: Суннатулло Азизов.
Мунтахаби ҷавонони Тоҷикистон (ҳайати ибтидоӣ): Суҳробхуҷа Юсупов, Асадбек Зиёзода, Содиқҷон Қурбонов, Раҳматшо Раҳматзода, Фахриддин Аҳтамов, Азизбек Ҳаитов, Кабир Салимшоев, Салоҳиддин Эргашев, Ҳамадонӣ Камолов, Фаридун Давлатов, Абдулфаттоҳ Худойдодзода.
27-уми январ. Сиде, Туркия. Маҷмааи варзишии «Арслон Зекӣ Демирчӣ».
Тоҷикистон (U-20) – ЛКС (Лаҳистон) – 1:1
Голҳо: Ҳамадонӣ Камолов, 26 (1:0). Петр Янчукович, 47 (1:1).
Мунтахаби ҷавонони Тоҷикистон (ҳайати ибтидоӣ): Суҳробхуҷа Юсупов, Содиқҷон Қурбонов, Раҳматшо Раҳматзода, Фахриддин Аҳтамов, Шаҳриёри Иноятулло, Азизбек Ҳаитов, Салоҳиддин Эргашев, Ҳамадонӣ Камолов, Хусрав Тоиров, Алиҷони Айнӣ, Суннатулло Азизов.
31-уми январ. Сиде, Туркия. Маҷмааи варзишии «Арслон Зекӣ Демирчӣ»
Тоҷикистон (U-20) – Озарбойҷон (U-20) – 2:1
Голҳои Тоҷикистон: Салам Ашурмамадов, Алиҷони Айнӣ.
Мунтахаби ҷавонони Тоҷикистон (ҳайати ибтидоӣ): Суҳробхуҷа Юсупов, Содиқҷон Қурбонов, Раҳматшо Рашматзода, Фахриддин Аҳтамов, Шаҳриёри Иноятулло, Азизбек Ҳаитов, Салоҳиддин Эргашев, Ҳамадонӣ Камолов, Хусрав Тоиров, Фатҳулло Олимзода, Суннатулло Азизов.
6-уми феврал. Белек, Туркия. Маҷмааи варзишии «Корнелия».