Bosgunlykda ýaşan öňki prezident Gürjüstana gaýdyp gelendigini aýdýar
Gürjüstanyň ozalky prezidenti Mihail Sakaşwili tussag edilip bilinjekdigi barada berlen polisiýa duýduryşlaryna garamazdan, sekiz ýyl aýralykdan soň, öz ýurduna gaýdyp gelendigini aýtdy.
1-nji oktýabrda Facebookda ýerleşdirilen wideoda Sakaşwili özüniň Batumi şäherindedigini habar berdi.
Bu habary bada-bat tassyklap bolmady. Gürjüstanyň Içeri işler ministrligi bu beýannama bada-bat düşündiriş bermedi.
Häzirki wagtda Ukrainada ýaşaýan Sakaşwili şu hepdäniň başynda 2-nji oktýabrda, Gürjüstanda ýerli saýlawlaryň geçiriljek güni "ýurdy halas etmek" üçin Tbilisä uçmagy meýilleşdirýändigini aýtdy.
Premýer-ministr Irakli Garibaşwili gaýdyp gelse, polisiýanyň Sakaşwilini tussag etjekdigini aýtdy.
Prezidentiň wezipesinden hyýanatçylykly peýdalanmakda we oppozisiýa kanun çykaryjysynyň ýenjilmegi baradaky subutnamalary ýaşyrmakda günäli tapylan Sakaşwili 2018-nji ýylyň iýun aýynda Gürjüstanyň kazyýeti tarapyndan gaýybana alty ýyl azatlykdan mahrum edildi.