ABD devlet kâtibi Rusiye arasındaki munasebetlerde Ukraina esas mesele olğanını ayttı

ABD devlet kâtibi Rex Tillerson, Washington Rusiye yolbaşçılarınen keçirgen subetlerinde, eki devlet arasındaki munasebetlerniñ eyileşmesi içün Ukraina meselesi muim olğanını bildirgeni aqqında ikâye etip berdi.

Tillerson yanvarniñ 5-nde amerikan «CNN» mediakompaniyasına bergen intervyusında, ABD al-azırda kergin olğan Rusiyenen onıñ arasında«munasebetler ziyade semereli» olması tarafdarı, lâkin şimdi «Ukraina meselesinde bizler bir ilerileme yapmalımız», dep ayttı.

Onıñ sözlerine köre, ilerileme olmağan al-azırdaki vaziyet Rusiyeniñ özüne zarar bermekte.

Bu arada, devlet kâtibi, ABD Washington ve Moskva arasında turğan Suriye, Ukraina, Şarqiy Avropa ve sairedeki vaziyetnikün tertibinde tutmağa areket etkenini de qayd etti.

Yañı memuriyetniñ Rusiye tarafdarı olma siyasetinen bağlı qasevetler aksine,ABD prezidenti Donald Trump, Washington Rusiyeniñ tecavuzına qarşı turuvda Ukrainanıñ bir ittifaqdaşı olmağa devam ete.Hususan ABD, bu tecavuzı içün Rusiyege qarşı sanktsiyalarnı devam ettirmege ve başqa sebeplerden dolayı yañı sanktsiyalar kirsetmege devam ete, Ukrainağa diplomatik ve arbiy yardım köstere, soñki zamanlarda Kyiv içün öldürici silâlarnıñ berilmesine qol tuta.