Qırımda künde 98 COVID-19 hastası qayd etildi – Aksönov
«79 hasta tibbiy yardım içün muracaat etkende qayd etildi, 19 kişi daa evel qayd etilgen hastalarnen alâqada oldı. Bir künde 192 insan yahşı oldı, bütün müddet devamında 38 457 kişi tüzeldi», – dep yazıla bildirmede.
Tünevin Qırımda 102 hasta qayd etildi, dört vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.