КУН КУЛГИСИ…
* * *
— Судланувчи, нега машинани ўғирладингиз?
— Вокзалга шошаётгандим. Шунинг учун ўша машинани ўғирлашга мажбур бўлдим. Афсусдаман.
— Шошаётган бўлсангиз, троллейбус, трамвайдан фойдалансангиз бўлмасмиди?
— Ўртоқ судья, сиз кимнингдир трамвай ўғирлаганини эшитганмисиз?
* * *
Оқ айиқ ўрмонда кетаётса, йўлидан эшак чиқиб қолди. У эшакдан сўради:
— Ҳой, эшак, шимолий қутбга қандай борса бўлади?
— Билмадим. Бироз кутиб тур, оғайниларимдан сўраб кўрай!
Бироздан сўнг у бир тўда эшакларни етаклаб келди ва оқ айиққа деди:
— Шимолий қутб қаердалигини билмадим-у, лекин эшак деганинг учун жавоб берасан.
* * *
Бир болакай тижорат қилмоқчи бўлди ва ҳар куни онасига сомса пиширтириб бозорда сота бошлади. Бир эркак ҳар куни келарди-да, беш юз сўм берарди, лекин сомса олмасди. Ниҳоят кунларнинг бирида эркак болакайдан сўради:
— Сен пул бериб нега сомса олмаётганимга ҳайрон бўлгандирсан-а?
— Йўқ, ҳайрон бўлганим йўқ. Лекин айтиб қўйишим керак, сомса бугундан бошлаб минг сўмдан сотиляпти.
* * *
Ота жин ишдан сўнг уйга келди. Она жин унинг қаршисига ўғилчасини етаклаб келиб деди:
— Бунингизнинг бир адабини бериб қўйинг! Кун бўйи ўзини худди фаришталардек тутди.
* * *
Икки жинни «Запорожец» сотиб олишди. Бири олд капотни очиб бақирди:
— Ие, моторни ўғирлаб кетишибди!
Иккинчиси орқа капотни очиб, жавоб қилди:
— Қўявер! Эгаси юкхонага запас мотор жойлаб қўйган экан.
* * *
Терговчи қурилиш устасидан сўради:
— Айтинг-чи, ҳамкасбингиз нарвондан йиқилиб тушганда қандай ёрдам кўрсатдингиз?
— Дарров бошига каскасини кийдириб қўйдим.
* * *
Ўғил онасидан сўради:
— Ойи, мен кечаси туғилганманми?
— Ҳа, болам, кечаси туғилгансан.
— Сизни уйғотиб юбормаганманми?
* * *
Саёҳат агентлигига қўнғироқ қилишди.
— Алло, Мисрга йўлланма сотасизларми?
— Ҳа.
— Мисрда қандай курортлар бор ўзи?
— Шарм-ал-Шайх, Хургада, Таба, Нувейба.
— Тўхтанг, Нувейба дедингизми?
— Ҳа, қачон бормоқчисиз?
— Узр, биз… Шунчаки, сканворд ечаётгандик. Нувейба тўғри келади.
* * *
Олтинчи синф қизлари қўшни синф ўғил болаларидан сўрашди:
— «Швабра» борми?
— Йўқ, у бугун дарсга келмади.
* * *
Жинни жиннига деди:
— Мен ўн иккинчи қаватга чиқиб тураман. Сен ҳам қарама-қарши тарафдаги ўн икки қаватли уйнинг ўн иккинчи қаватига чиқиб турасан. Сўнгра мен қўлимдаги фонарни ёқаман. Сен фонарнинг нурига чиқиб мен турган уйга юриб ўтасан. Келишдикми?
— Ие, тўсатдан фонаринг ўчиб қолса, йиқилиб тушаман-ку!
Олимжон ҲАЙИТ тайёрлади