«Толибон» Афғонистондаги раҳбарлик лавозимларига дастлабки икки аёлни тайинлади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Zuma Press «Толибон» ҳаракати Афғонистонда ҳокимиятни қўлга киритганидан сўнг биринчи марта мамлакатдаги раҳбарлик лавозимларига аёллар тайинланганини эълон қилди. Тегишли баёнот сешанба куни кечқурун Twitter'да, ҳаракат томонидан тузилган Афғонистон муваққат ҳукуматида ахборот ва маданият вазири ўринбосари этиб тайинланган Забиҳуллоҳ Мужоҳиднинг саҳифасида эълон қилинди. «Муваққат Вазирлар Маҳкамаси раҳбарининг фармойиши билан доктор Малалай Раҳим бутун мамлакатдаги ягона акушерлик ва гинекология муассасаси бўлган «Малалай» ихтисослаштирилган туғуруқхонасига (Кобул шаҳридаги) директор этиб тайинланди. Вазирлик таклифи ва муваққат ҳукуматдаги бош вазирнинг розилиги билан доктор Ариан Шаҳрор гинекология клиникаси директори этиб тайинланди», дейилади хабарда. Ушбу тайинловлар олдидан ҳаракат аъзоларининг қатор давлатлар ва халқаро ташкилотлар вакиллари билан кўплаб учрашувлари бўлиб ўтди, уларда, хусусан, аёлларнинг мамлакат ижтимоий-сиёсий ҳаётидаги иштироки масаласи кўтарилди. БМТ маълумотларига кўра, халқаро ҳамжамиятнинг фаол қўллаб-қувватлаши туфайли сўнгги 20 йил ичида Афғонистонда туғруқ вақтида ўлим кўрсаткичи 2000 йилдаги ҳар 100 минг ҳолатдаги 1 450 та ўлимдан 2019 йилдаги 638 ўлим ҳолатигача камайди. Шунга қарамай, бу дунёдаги энг юқори кўрсаткичлардан биридир.