Рўзиқул Бердиев: "Ал Файсали" жуда тартибли ўйнайдиган, кучсиз тарафларини кўрсатмайдиган жамоадек кўринди" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Осиё чемпионлар лигаси 3-туридан ўрин олган "Насаф" – "Ал Файсали" (Саудия Арабистони) учрашуви олдидан матбуот анжумани ўтказилди. Унда "Насаф" бош мураббийи Рўзиқул Бердиев журналистлар савоилларига жавоб қайтарди. "Ал Файсали" – кучли ва маҳоратли футболчиларга эга, ўйинни яхши ташкил қиладиган жамоа. Биз жамоанинг 2 та ўйинини таҳлил қилиб чиқдик ва тасаввурга эгамиз. Ўйлайманки, жамоамиз эртанги ўйинга ҳар томонлама тайёр", – деди Рўзиқул Бердиев. - "Ал Файсали" "Ал Садд"дек кучли клубни мағлуб эта олди. Жамоанинг қайси томонлама омади келди деб ўйлайсиз? - Омадга боғламаган бўлардим. Биз кўрдикки, жамоа ҳар икки турда жуда яхши ҳаракат қилди. "Ал Файсали" жамоавий яхши ўйнайди. Ўйинчиларининг савияси юқори. Уларнинг қабул қилган қарорлари эвазига жамоа зафар қучди. - Сизнингча, "Ал Файсали"нинг кучсиз тарафлари нимада? - Буни бу ерда муҳокама қилмоқчи эмасман. Таҳлил қилиб чиқдик. Албатта, "Ал Файсали"нинг ҳам кучли ва кучсиз томонлари бор. Алоҳида айтиш керак, "Ал Файсали" жуда тартибли ўйнайдиган, кучсиз тарафларини кўрсатмайдиган жамоадек кўринди. Эслатиб ўтамиз, учрашув 15 апрелдан 16 апрелга ўтар кечаси 01:15 да бошланади.