Роналдунинг кейинги жамоаси маълум бўлди — Бизга қўшилинг: ???? https://t.me/joinchat/AAAAADwt0NGCRoONT4f1_Q
"Манчестер Юнайтед" яқинда Криштиану Роналду билан шартномани бекор қилганини эълон қилганди. Айни пайтда Қатарда бўлиб турган championat.asia сайти мухбири инглиз журналистлари билан Роналду борасида суҳбатлашди. Инглиз журналистининг маълумотига кўра, Криштиану Роналдунинг янги жамоаси "Челси" бўлади. Лондон клуби янги америкалик хўжайинлари португалиялик футболчини мавсум бошланмасидан олдин ўз жамоасида кўришни хоҳлашганди. Бироқ клубнинг ўша вақтдаги бош мураббийи Томас Тухель бу трансферга қарши бўлганди. Бунинг оқибатида Тухель ва клуб раҳбари ўртасидаги муносабатлар бузилади. Тез орада Тухель қониқарсиз натижалар сабаб истеъфога чиқарилганидан хабардорсиз. Январь ойида эркин агент ҳисобланган Роналдуни қўлга киритиш учун "Челси"да имконият катта. Криштиану бир неча бор Европа чемпионлар лигасида ўйнайдиган клубга ўтиш ниятида эканини айтиб ўтганди.