Ғарб разведкаси: Россия Эронга Су-35 самолётларини бермоқчи — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: AFP Россия яқин орада Эронга Су-35 самолётларини топширади. Эронлик учувчилар Россия самолётларидан фойдаланишга ўқитилмоқда, дея хабар берди ОАВ Ғарб разведка манбаларига таяниб. Эрон Россиянинг Миср учун қурган 24 та самолётини олади. Россия—Миср келишувлари Америка аралашуви туфайли бекор қилинганди. Москва янги харидор қидирган, Теҳрон эса бу самолётларга қизиқиш билдирган. Ғарб разведка агентликларининг маълумотларига кўра, Эрон Россияга 1700 та дрон берган ва яқин орада яна камида 300 тасини етказиб беради, бундан ташқари, Москвага баллистик ракеталар бериш масаласини кўриб чиқмоқда. Россия расмийлари дронларнинг Эрондан олиб келинишини тан олмаяпти. Ноябрь ойи бошида Эрон ташқи ишлар вазири Ҳусайн Абдуллоҳ Россияга бир қанча дронлар юборилганини тасдиқлаб, бу уруш бошланишидан бир неча ой олдин содир бўлганини айтди. Кейинроқ АҚШ Эрондан Россияга қурол етказиб берилишига чек қўйиш устида ишлаётганини маълум қилди.