Миллатлар лигаси. Испания, Франция, Португалия ва Германия яримфиналдa (видео)

Европа Миллатлар лигасининг чорак финал жавоб ўйинлари драматик тарзда якунланди. Ғолиблар тўрт ўйиннинг учтасида қўшимча бўлимларда, иккитасида пеналтилар сериясидан сўнг маълум бўлди.

Германияга қарши ўйинда 0:3 ҳисобини йўққа чиқарган Италия уйидаги мағлубият сабаб турнир билан хайрлашди. Франция Хорватияни, Испания Нидерландияни пеналтилар сериясида мағлуб этди.

Данияга қарши учрашувда асосий вақтда ҳисобни тенглаштирган Португалия қўшимча бўлимларда ғалаба голларини киритди.

Шу тариқа яримфинал жуфтликлари маълум бўлди: июн ойида Франция – Испания, Португалия – Германия беллашувларига гувоҳ бўламиз.

Миллатлар Лигаси. 1/4 финал
Жавоб ўйинлари. 23 март

Германия — Италия 3:3 (биринчи ўйин — 2:1.)
Голлар: Киммих (30, пеналти), Мусиала (36), Кляйндинст (45) — Кен (49, 69), Распадори (90+5, пеналти).

Огоҳлантиришлар: Гатти (21), Штиллер (22), Буонжорно (29), Адейеми (68), Бастони (79), Кляйндинст (79).

Испания — Нидерландия 3:3 Пеналтилар серияси — 5:4 (биринчи ўйин — 2:2)
Голлар: Ойарсабал (8 пеналти, 67), Ямал (103) — Депай (54, пеналти), Матсен (79), Симонс (109, пеналти).

Огоҳлантиришлар: Ле Норман (53), Депай (61).

Франция — Хорватия 2:0 Пеналтилар серияси — 5:4 (биринчи ўйин — 0:2)
Голлар: Олисе (52), Дембеле (80).


Португалия — Дания 5:2 (биринчи ўйин — 0:1)
Голлар: Андерсен (38, автогол), Роналду (72), Тринкау (86, 91), Рамуш (115) — Кристенсен (56), Эриксен (76).
Аниқ амалга оширилмаган пеналти: Роналду (6).

Огоҳлантиришлар: Эриксен (50), Диаш (50), Нёргор (66), Жота (75), Андерсен (105+3), Вестергор (120+1).